滿江紅 (已結業)

今日同朋友系尖沙嘴shopping day，尖沙嘴出晒名多野食，拣完一大轮最后决定去试下「满江红」。其实知道佢开左好耐但系一直都未有机会试😆 因为我同朋友只有两个人唯有点两三个𩠌先啦！必食水煮鱼🔥🐟好多指天椒但汤底唔算太辣所以都易入口，同我之前喺四川食过嘅几接近，有芽菜粉皮鸭血去索味。桂花鱼片好滑，有啲仲要有连鱼皮㗎，Q弹的鱼皮令到整个口感更有层次！而且鱼片份量都算几多，好抵食！我唔算系一个非常食得辣的人，通常都只系食到小辣，但系呢个水煮鱼的正常辣我都接受到，当日客人可以因应自己需求同店员讲要小辣/大辣喇～椒子炒田鸡呢道菜竟然比水煮鱼辣！建议唔食得辣嘅朋友先叫微小辣因为田鸡本身炸过好入味，微辣都已经够食，不过因为系田鸡，所以肉同骨比例骨偏多。下次试鸡软骨先，应该更正😁腰果唔油好脆口，而且就算过左一段时间都依然好脆，个人认为比花生更适合伴碟同解辣，加分！特别推介餐厅的饮品，点左冻洛神花茶，少少甜甜好fresh而且好帮助到解辣！推荐！