馬六

营业中

休息中

今晚和先生嚟石塘咀马六食咗个二人餐（$168），满足又有惊喜。马来菜好味之余，仲带有浓浓嘅家乡风味。餐厅光猛明亮，坐下不久便满座，见到不少是附近大学的学生来食，证明性价比高。套餐有主菜巴生肉骨茶，汤底浓郁香浓，药材味恰到好处，猪排骨煮得入味，仲有冬菇、腐竹同豆卜吸晒汤汁。配埋油炸鬼和香喷喷嘅鸡油饭，饭粒带少少油香，绝对系完美拍档。马拉盏龙角豆系套餐嘅配菜，龙角豆又名四角豆，外型有四条边，口感爽口仲带少少豆香，用马拉盏同辣椒爆炒，咸香惹味，煲仔上，好快俾我哋扫清光！套餐仲包咗一份 娘惹炸鲜奶，外皮炸到金黄酥脆，内里滑嫩香甜，带嚟少少甜品嘅感觉，系一个好特别嘅小惊喜。另外加点咗一碟怡保芽菜（$32），粗身饱满嘅芽菜配咸鱼炒得香气十足，简单但有水准，绝对值得一试。饮品方面，两杯热桔仔茶收尾，暖笠笠好舒服。