南越南咖啡廳

营业中

休息中

话说有日系旺角行街，唔想食日本嘢又唔想食韩国嘢又唔想食中餐，之后就谂起，不如去食越南嘢啦。就系咁去咗南越南，本身都谂应该食粉面，点知去度见到啲小食，又几特别㖞。咁我哋就试吓啲新菜式。 首先嚟个越式惹味粟米条第一啖食落去有惊喜㖞，粟米唔太干，啲汁又惹味，只系觉得份量少咗少少，多几条嘅话真系食唔停口。好味之后叫咗好多人都叫嘅脆米纸薄饼佢嘅配搭非常之新鲜，食落真系好refreshing。佢嘅材料有青瓜丝，红萝卜丝，小小腊肉，再加埋佢哋嘅秘制酱料放喺炸咗嘅米纸上面，入口清新，喺主食前食嘅前菜嚟讲系非常之好嘅选择。 之后就叫咗一碗「嫲嫲南越汤」招牌金边粉 入面材料有好多牛牛嘅唔同部位：牛肉牛筋牛丸，佢仲有油炸鬼放喺碗汤面上面，吸收晒啲汤汁好好味。但系对比前菜嚟讲前菜𠮶两款小食真系不得了。 食完啲小菜，我会想再嚟食其他嘅小菜。