巴打火鍋館 (裝修中)

元朗出名多美食，难得嚟到，特登揾咗间好有人气嘅火锅店食餐好。餐厅环境企理，装修走怀旧风，都坐得几舒服。呢度嘅锅底有好多选择，有海鲜、麻辣鸡、椰子鸡、药膳鸡、胡椒猪肚鸡，连泰式冬阴功都有。又或者单点汤底亦得。川味特制麻辣鸡煲（半只）麻辣鸡煲嘅麻度同辣度都可以自己选择，我就拣咗BB辣中麻，过瘾得嚟又唔会食得好辛苦😇新鲜骟古吊龙伴（细）虽然系拣咗细，但份量比想像中多。牛肉新鲜，好重肉味，雪花好靓，肥瘦均匀。唔好渌太熟，可以保持软嫩质感，同满满嘅肉汁。即炸紫菜响铃超巨大嘅响铃，一件要分几啖先食得晒。超级挂汁，香浓美味。冬菇双滑（虾/墨鱼）卖相好精致，将虾滑同墨鱼滑样喺冬菇里面，可以一次过食到两种唔同嘅口感，而且味道都几夹。自制韭菜饺（半份）韭菜饺系自家制，虽然size唔系好大，但都有满满嘅馅料。莲藕片觉得莲藕片同麻辣好衬，口感爽爽地，非常惹味。乌冬最后嚟一个麻辣酱捞乌冬，乌冬口感烟靭，又挂汁，正！青柠梳打食麻辣梗系要饮返杯fresh嘅饮品清新一下