傷心酸辣粉 (已結業)

一点几喺旺角，本来想喺朗豪坊食，但人多到行都行唔到入去，黎左隔离嘅伤心酸辣粉。一场之隔呢度静好多，有枱之余仲系卡坐。呢间分店嘅二人餐做紧特价108蚊，平过食一人餐，就拣呢个啦，反正上次食过一人餐觉得无咁抵。要左唔辣嘅酸辣粉，自知唔食得辣，无谓挑战，清汤都几好味架。友人嘅bb辣酸辣粉，佢话可以再辣多少少，下次试小辣㖞。两碗粉都几大碗，都多配料，ok。拍青瓜，酸酸辣辣好开胃，蒜香，唔错。口水鸡，呢样好淡，啲鸡完全无味，浸住啲辣油都系无味。夫妻肺片，份量好少，味道几好略微切得太幼无乜口感。冻柠茶，正常味。热利宾纳，好浓好甜，几好饮。唔知系特价定乜，呢间分店嘅二人餐份量较少，换哂细碟上菜。