影片
更多
2015-06-20
401 浏览
老婆腹大便便, 突然想食小炒, 知道三坡坊有几间, 就去试下。最右手面𠮶间之前试过, 不过不失, 但见冇乜人, 而潮兴差唔多坐满晒, 又光猛, 谂住应该都唔差啦。去到唔使等, 有位直入, 一坐落去, 而经feel 到枱底有嘢咬, 唔知系蚤定蚊, 谂住扯高张长到落地嘅枱布, 伙记行过又系到要放番落嚟, 算数!睇咗menu, 老婆想食椒盐鲜尤, 发觉menu 有「椒盐鲜尤」 同 「椒盐煎鲜尤」, 价钱都唔同, 都好奇想试下「椒盐煎鲜尤」。好喇, 到点菜, 知道呢D 小炒地方, 人多伙记多但好鬼忙, 都知道要叫三四五六次先会帮你点菜, 点咗三样, 再问下: 「椒盐鲜尤」 同 「椒盐煎鲜尤」有乜分别。个伙记, 串串贡咁话, 我地呢度冇「椒盐煎鲜尤」, 「椒盐煎鲜尤」即系「椒盐鲜尤」。我嘅刻拎个menu 佢睇, 我话明同价钱都唔同。佢停咗一阵话:咁系佢写错啫!.......算数, 叫咗下面几样1. 椒丝腐乳通菜2. 沙窝鱼头煲3. 沙爹肥牛粉丝煲4. 椒盐鲜尤五分钟后, 理应嚟嘅「椒丝腐乳通菜」, 一食落口, 好鬼鯹! 好重生水味! 跟住发觉, 好似冇腐乳嘅, 再check 番个价钱 (因为正常
最右手面𠮶间之前试过, 不过不失, 但见冇乜人, 而潮兴差唔多坐满晒, 又光猛, 谂住应该都唔差啦。
去到唔使等, 有位直入, 一坐落去, 而经feel 到枱底有嘢咬, 唔知系蚤定蚊, 谂住扯高张长到落地嘅枱布, 伙记行过又系到要放番落嚟, 算数!
睇咗menu, 老婆想食椒盐鲜尤, 发觉menu 有「椒盐鲜尤」 同 「椒盐煎鲜尤」, 价钱都唔同, 都好奇想试下「椒盐煎鲜尤」。好喇, 到点菜, 知道呢D 小炒地方, 人多伙记多但好鬼忙, 都知道要叫三四五六次先会帮你点菜, 点咗三样, 再问下: 「椒盐鲜尤」 同 「椒盐煎鲜尤」有乜分别。个伙记, 串串贡咁话, 我地呢度冇「椒盐煎鲜尤」, 「椒盐煎鲜尤」即系「椒盐鲜尤」。我嘅刻拎个menu 佢睇, 我话明同价钱都唔同。佢停咗一阵话:咁系佢写错啫!.......算数, 叫咗下面几样
1. 椒丝腐乳通菜
2. 沙窝鱼头煲
3. 沙爹肥牛粉丝煲
4. 椒盐鲜尤
五分钟后, 理应嚟嘅「椒丝腐乳通菜」, 一食落口, 好鬼鯹! 好重生水味! 跟住发觉, 好似冇腐乳嘅, 再check 番个价钱 (因为正常你应该唔识睇伙记系你张单上面鬼划符嘅菜名), 系㖞, 俾「椒丝腐乳通菜」少咗5蚊, 咁即系佢写错单....算数!!
等咗十分钟, 「沙爹肥牛粉丝煲」嚟, 芽菜占60%, 牛肉10%, 粉丝10%, 菠萝20%, 仲要系希到水咁, 咁不如改名叫「沙爹水灼芽菜菠萝煲」, 算数!!
三分钟后, 「椒盐鲜尤」到, 炸粉一旧旧, 又厚又硬, 仲要唔够热, 似系炸定咗二三日再系面头系咁二落D唔知乜嘢类似蒜粒嘅嘢
紧接嘅 「沙窝鱼头煲」, 唔知大家食开小炒舖头 (唔系茶餐厅)嘅会有乜嘢期待, 一上枱, 好似咁斋嘅, 冇乜配料嘅, 最基本有D绿色嘢系面啦, 佢冇啰。...算数!!
用筷子一捞, 得半个鱼头嘅?!! 仲有另外半个去咗边? (我真系唔知其他人食开系点, 我自己好钟意食, 试过好多间嘅鱼头煲, 有平有贵, 除非系好平好茶餐厅嘅先会嚟个细鱼头, 但都会成个开边)......大佬, 你收我118蚊, 得半份鱼头, 仲要成个干争争, 真系成个, 夹唔开, 要用力笃, 加上一旧烧肉, 三四粒好碎嘅烧肉, 两片细东菇, 五旧头腐, 都系𠮶句, 唔热嘅...算数!!
跟住问伙记有冇芬达, 定系你哋呢度得OJ橙汁, 伙记口响响话乜都有, 芬达同OJ都有, 咁我要芬达啦。到写完张单, 就开始缩沙, 话: 嗱, 到时有乜就乜啦.....我真系想X 佢,......结果都估到, 系冇芬达, 得OJ
我老婆食都冇晒胃口, 通菜又腥, 牛肉粉丝煲又水, 鲜尤又厚粉又硬仲似隔咗几日, 最唔抵个鱼头煲....
本来想唔浪费, 尽量食, 但都走人。去到收银俾钱, 讲紧电话, 又要拎咗张单, 猛咁拑计数机, 又继续讲电话, 但又讲到与无伦次, 收咗线, 又继续重新拑个机....四个𩠌, 四个价钱....好难计咩? 我唔介意等你讲完电话先.........埋单 HKD354
可能咁啱今次我唔好彩, 见到好多人都好似食得好开心, 要咗好多蒸海鲜...
不过对我来说, 冇下次........
题外话/补充资料：
真系唔建议....态度差, 食问差, 卫生差.......
(以上食记乃用户个人意见 , 并不代表OpenRice之观点。)
张贴