Kampoeng

营业中

休息中

今日同朋友系铜锣湾做facial，做完之后去IKEA行下，之后发现地库有一间泰国餐厅，所以试下。餐厅嘅食物选择都几多～嚟食泰国食物，点少得饮椰青呢😋椰汁清甜，椰肉都好香👍🏻首先上嚟嘅系虾酱炒通菜，上面有D炸蒜，通菜好嫩，爽口，而虾酱嘅份量适中，唔会过咸👍🏻然后嚟嘅系煎粟米饼，虽然佢话系煎，但我同朋友觉得似炸多D，因为喉咙痛，所以只试咗一小口，好香脆，但系太热气了，所以唔敢食。之后系我地嘅主食，炒贵刁，一拿上嚟好香，我一直都觉得贵刁好似河粉，佢唔会太油腻，每条贵刁都好入味，配合埋爽口嘅芽菜，我最爱呢道菜，推介👍🏻再嚟嘅系串烧，我哋叫咗三串鸡，三串牛，个人觉得牛烧得比较入味，餐厅附上唔会太辣嘅沙爹酱，两者好夹，平时好少食牛嘅我都忍唔住食咗两串。😝最后上嘅系酱烧炉鱼，鲈鱼皮烧得好香脆，但唔会干争争，鱼肉入味嫩滑，我同朋友两个女仔竟然食晒成条，哈哈。试过沾旁边嘅两款酱，唔好辣嘅我觉得唔沾酱已经好好味。