鍾菜館

营业中

休息中

今日去钟菜吃午饭，除了叫点心之外，我哋仲叫咗啲孖宝。虾饺都几大只，里面嘅🦐都几爽脆。最钟意食嘅点心就系叉烧酥，皮薄叉烧多而且好Juicy，食落去甜甜地好酥脆水准唔错。鲜虾腐皮卷都好爽脆，里面嘅🦐好多，腐皮脆卜卜，唔错嘅选择。咸水角甜甜地，里面嘅馅有好多汁好食。我觉得厨房嘅师傅功夫唔错，我哋叫咗个星洲炒米，系我钟意𠮶种干身嘅唔会湿立立，亦都唔会太辣，配料叉烧芽菜也不少。龙虾伊面都好好食，龙虾新鲜，伊面唔会太淋,加埋芝麻鸡，好有满足感。我哋又叫咗烧鹅，烧鹅嘅皮好香脆，咬落去好Juicy，真系好好食。妹妹好钟意食咕噜肉，佢嘅咕噜肉甜酸适中，而且外面嘅粉浆炸到好脆，加埋个新鲜嘅菠萝，极之推荐大家食。