小男孩 (已結業)

今日有屋企人生日，去左铜锣湾呢度，呢间叫小男孩属于意大利菜既餐厅庆祝食庆生饭，家姐系呢度订左位，自己就系第一次黎呢间度食，自己都无听过呢间，又无啦啦平日唔会walkin 上黎呢食揾食，今次系抱住试既心态上黎食下野。首先，一入去感觉几舒服，环境非常舒适，几有气氛，呢度比我既第一印象都不错。咁一开始我地order左冷盘先，系咩？就系我地成家都钟意食既生蚝，我地系order左个海鲜盘，佢地既生蚝，每一只都好鲜味好肥美，十分有水准，真系确系抵钻。我地一共都有5个人，都分别order左不少既野食，例如肋骨拼薯条、 车打芝士蓝贝、pizza、同埋意大利饭、羊架等等。最后，甜品就叫左心太软与Tiramisu。我地食左好多野，总体黎讲都算系不错，我特别系钟意意大利饭，但一碟既份量不多，如果share既话只系分得好少，唔太够。希望下次试下其他菜式。