影片
更多
2021-09-14
2536 浏览
落雨湿湿，行唔成山，踩唔成单车，同老婆嘅最佳节目喺睇场戏，晌荃新天地二期嘅「英皇」睇完早场（平啲嘛），刚好夹到午饭时间，当然，食埋先返屋企。呢头自从「海之恋」、「如心二期」嘅商场相继开业，连带几个之前已有嘅商场就更旺，晌度真喺揾食无忧。单喺呢度「荃新二期」已有唔少食肆，啱啱落咗扶手电梯，就见到一家「Itamama」餐厅，感觉个名，望入去嘅环境都好面熟，原来喺「Itamomo」（意乐）嘅姊妹店，「意乐」本身我哋就几钟意，不时晌美孚店食早餐，所以，对呢间「Itamama」都几有信心。 环境跟「意乐」真喺九乘几似，一睇都喺工业风嘅装修，，水泥地、铁窗框、昏暗灯光、木枱木櫈，加上无乜修饰嘅天花，带出一种粗犷原始味（呢段照抄自己以前「意乐」嘅食评，真喺完全啱用，哈哈）。 枱上除放咗餐具、少少调味料之外，仲摆咗支嚟自意大利嘅矿泉水（需付款），真喺想知，有几多人会开嚟饮呢？ 午餐而言，选择嘅种类都算多，虽然再次睇睇官网，就话过Itamomo就经营大众化嘅意日融和菜，而Itamama则用上较高级嘅食材嚟做欧陆菜，不过，细阅话午餐餐牌一次，感觉Itamomo同Itamama卖嘅嘢好似差唔多。而拣任何主
环境跟「意乐」真喺九乘几似，一睇都喺工业风嘅装修，，水泥地、铁窗框、昏暗灯光、木枱木櫈，加上无乜修饰嘅天花，带出一种粗犷原始味（呢段照抄自己以前「意乐」嘅食评，真喺完全啱用，哈哈）。
枱上除放咗餐具、少少调味料之外，仲摆咗支嚟自意大利嘅矿泉水（需付款），真喺想知，有几多人会开嚟饮呢？
午餐而言，选择嘅种类都算多，虽然再次睇睇官网，就话过Itamomo就经营大众化嘅意日融和菜，而Itamama则用上较高级嘅食材嚟做欧陆菜，不过，细阅话午餐餐牌一次，感觉Itamomo同Itamama卖嘅嘢好似差唔多。而拣任何主食，都奉送餐汤或饮品，亦提供啲升级嘅优惠。
野菌忌廉汤 老婆一向都钟意饮汤多过饮嘢，所以，二选一之下佢就梗喺拣汤啦，加上野菌汤都好啱佢。个汤本身做得有水准，好有菌香，绵滑又唔会过杰。
鲜蚬白酒烟肉蒜香天使面 $63 老婆想食得清爽啲、轻盈啲，所以就试咗呢一款鲜蚬天使面，佢话果然无拣错，单喺卖相都感觉清爽，尤其加咗一块柠檬角上面。而讲到明喺鲜蚬，真喺无欺场，啲蚬又大只，又鲜味，而天使面煮得刚好，最怕煮过笼变得糊晒；而衬以烟肉、蒜蓉，添上白酒，再洒点柠汁，令天使面变得味道更具层次，非常好食。
龙虾茄汁焗猪扒珍珠饭 $64 小弟喺「一哥焗猪」嘅粉丝，所以，间唔时都会试吓其他餐厅嘅焗猪扒饭，比较吓大家嘅差别。以整个煎镬上枱，饭面铺满劲多芝士，烘焗得一片金黄，非常诱人。饭底又劲多龙虾蕃茄汁，但虾味就唔喺好觉，酸味比较重，不过，夹埋啲芝士，捞饭就自然喺一流，而猪扒唔喺一大块厚切𠮶啲，都喺裁成细细件，方便食，但就无咁有震撼感，然而，味道唔错，好入味，却喺比较干身咗。
即磨咖啡食完碟浓味嘅焗饭，就叹番杯香浓嘅即磨咖啡，晌「意乐」都觉得佢哋啲即磨咖啡好唔错，所以，嚟到Itamama，对佢哋咖啡都有一定嘅信心。饮落确喺醇香浓厚，质素好稳定，喺个人觉得落奶多咗。
今餐午餐都算唔错，餐后仲晌附近嘅商场兜个圈。附属晌Itamama隔离仲有间Mama Bakery，我哋都顺便买咗件芝士蛋糕返屋企做下午茶，晌另一篇食评再分享！
张贴
