Itamama (荃新天地2)

营业中

休息中

叫咗一個豬胺餐有蘑菇湯同薯條（$148），另外一個叫咗個茄汁豬扒焗飯，半價加咗一個熱情果飲品（+14），首先豬胺份量足夠有10oz以上，正常發揮，跟住嚟料喇，蘑菇湯大量洋蔥完全冇蘑菇味，薯條一嚟到凍硬嘅要求換過，出返嚟連個兜都熱既同埋薯條都少咗就知咩事啦！到豬扒焗飯係暖嘅可以係唔熱嘅（淨係曬燶面頭啲芝士就算？）杯熱情果飲品直頭好似落咗一斤糖水落去咁完全飲唔到！（要點樣冇技術先可以落濃縮熱情果落去落度飲唔到？絕對冇下次👎🏻👎🏻真係唔怪得啲人點解要北上消費！

今日去左荃新天地復活節舉辦嘅森林動物舞會，竟然竹竹最中意食個間野係正隔離呢間啲員工服務超好啊，見我一個大人帶住兩個小朋友，未嗌嘢食嗰陣，竟然攞咗自己啲私伙嘢食俾少少我小朋友仲不斷同佢哋傾偈呀！員工嗰陣放緊自己嘅下午茶時間，都咁落力幫手，抵讚啦！令到兩個乖乖地坐定定等媽媽搞掂晒啲嘢再慢慢叫嘢食！田園Pizza（無肉之選）🥇呢個就係竹竹最鍾意食嘅pizza，佢竟然話上邊啲菇好好食呀！西蘭花薯蓉（加購）蒜香豬扒公仔麵對我嚟講湯底淡咗啲，不過呢款湯底就啱小朋友食凍檸茶少冰最近呢個天氣，唔好嗌少冰，會變到唔凍啊檸檬蜜今日獎牌：🥇

雖然餐廳名淨係得英文，Itamama， 但係平時幫襯開外賣，認得個名其實係意樂。 因為呀仔指明話想食Pizza，所以就揀黎試試。 三重芝士田園pizza $67批底都算鬆軟，冇平時食d批咁厚，配料有火箭菜、蕃茄仔、磨菇碎、橄欖同芝士。幾香幾好食，$67真係好抵食帕瑪森乾酪肉醬闊條麵 $67醬汁唔算好多，有少少肉碎同冬菇，味道相對淡口，不過好大碟。 烤安格斯牛配是日餐湯•烤野菜•香脆薯條•自家製牛肉醬 $158牛扒都幾大塊，唔會太薄有少少牛味，就咁加鹽已經好好食。薯條好脆，仲要係脆薯皇既味道，好好食。另可半價加配飲品🥤 柚子蜜味芝麻烤雞翼 $28一碟5隻，雞翼好脆，淋上柚子醬，好清新，唔油膩，雞翼好嫩滑溶岩Tiramisu $28賣相有別於一般既Tiramisu，用左海綿蛋糕取代手指餅，淡淡既咖啡味，唔會太甜，好好食仲要堂食都唔使加一，性價比高👍

睇戲前得一個鐘食晚飯，近近地就揀左呢間，唔使等位，入面空間都濶落，乾淨企理。坐低左就用 qr code 落單，開頭搵唔到set dinner，要搵職員問，都幾 nice。最後叫左個龍蝦湯海鮮意大利湯飯+ 凍檸檬茶，$82。龍蝦湯味道濃，海鮮都算多，都幾好食，份量都大份，對得起價錢。

我有問題叫男侍應，呢個男侍應就扮聽唔到，叫到全間餐廳都望住，個男侍應頭也不回無回應……之後個大嬸侍應行過嚟，就話個男侍應係新移民…“唔識聽白話，唔識講白話”……吓……咁都得……實在太神奇啦！重有………之後呢個大嬸侍應用好重語氣，不停問我有咩需要……搞到我好似喺度搞事咁……你估我真係好想嗌你地咩！呢個餐廳啲侍應真係差到呢……其實我真係只係想問我個闊條麵幾時到，1834嘅order，我等1854先嚟追，竟然同我講話一早已經無曬闊條麵，乜無人同我講咩………嘩……咁都得！真係好很過份………唯有cut單走人！我一家幾口想食餐開心飯點知開心入去……嬲爆咁岀返嚟……唔寫衰你都唔得！註：我對“新移民”無任何歧視成分……但唔好用“新移民”呢三個字當自己大晒！嫌辛苦，唔想做，唔願做，就返屋企！講完！

叫咗三樣野，全部都好難食蘑菇湯加入大量洋蔥，冇蘑菇味只食到洋蔥渣$158西冷烤牛扒同街坊茶餐廳一樣味煎三文魚扒似無調味過，就咁放落個氣炸鍋度求其炸下，無味嘅難食都算，食食下有個普通話女人走埋嚟黑口黑面話: 你哋食完未我地夠數收鋪，仲有兩分鐘我地坐低咗都冇半個鐘走入餐廳嗰陣亦都冇人提過截單時間同就嚟收舖忍吾住話返佢無禮貌

星期日要嚟附近返工，喺車程上面已經用foodpanda叫定外賣，諗住落車就直接攞到早餐再去做野，最後架車早到咗，我去到係要等幾分鐘～～～但係等到夠鐘之後都未見有任何外賣出嚟～我就去問仲有幾耐～門口個recep就用walkie問個餐仲爭啲咩?? 隨後等多一陣～有另外一個職員拎袋袋鼠出嚟問係咪我嘅？我話唔係，佢話：「foodpanda？冇喎！我哋冇收到單喎～你係咪去錯餐廳呀？你叫咗邊間呀？熊貓都無單！」然後就入返去（？！）我亦都離開咗，因為我夠鐘返工，路程上我就㩒取消訂單，個理由係間餐廳冇喺預計時間出到餐俾我，熊貓客服幫我打咗俾間餐廳起碼兩次，佢都係話間餐廳冇人聽電話，叫我返去繼續等（當然熊貓都有問題，因為佢一直都俾唔到個實際時間我要等幾耐，又證實唔到呢間野有冇收到個外賣order）我返公司露個面之後，只好再行返去等/攞餐～去到，個餐已經準備好（又話冇單？）跟住我問個recep，點解你哋唔聽熊貓電話？勢估唔到佢發惡想咬人咁話「🔥_🔥我俾你睇丫！個電話冇響過！」，你有冇響過，或者係咪得呢部電話，我無從得知嗝⋯冇辦法之下，我返到去又要搵埋佢哋意樂總公司個電郵去投訴埋呢個receptionist

一段時間冇嚟，近月發覺管理差咗好多。出餐張張枱都話同落嘅單唔同，轉牛角包俾多士，追單嘅聲音此起彼落。我自己個餐跟麥皮，食完晒其他嘢都仲未嚟（等咗半個鐘），問佢先同我講話冇麥皮，其實你冇麥皮係咪應該都同客講，而唔係唔上餐！

都唔知點解餐廳可以係商場生存。咖啡超級難飲，湯凍既，田螺又係凍既，嗌個凍既沙律反而無。pizza應該要即焗，又係唔熱既。黑松露薯條熱啊，但個醬完全無黑松露味，垃圾。食到無哂mood，相都懶得影。

這間應該是我去過最差服務的餐廳😡星期日早上大概10：35到達餐廳用餐，10點42分用手機落單，叫了一份墨西哥雞肉卷加蘑菇炒蛋同埋一杯即磨咖啡。過了20分鐘先上了咖啡，我見隔離左右已經上哂菜，我就叫待應幫我跟進下。再等了10分鐘，叫待應再跟進仲未有，我趕住返工，叫佢幫我轉外賣，我自行去收銀埋單先。因為我在附近工作，我放下東西10分鐘後再去餐廳看看外賣得未，收銀仲係話未有。仲講話可能比咗其他人🤬🤬我的早餐已經變成午餐，我再回到工作崗位，我決定比足30分鐘佢哋整，30分鐘後再去收銀，仲未有🤬🤬🤬 我足足等咗一個鐘頭十分鐘都未拎到我個早餐。於是我要求退錢， 主任話退比我。我之後同主任反映我早餐都未食，但喺退錢過程中主任表現出毫無同理心，沒有任何解釋，過程中從來沒有說過一句唔好意思或者對唔住。👎🏻👎🏻👎🏻我以後都唔會再去D間餐廳，浪費我時間😡😡😡

叫侍應拎個碗仔嚟，個碗仔完全未洗乾淨，上面又有油又有食物殘渣，非常嘔心。於是再叫侍應拎多兩個碗仔，情況一樣咁污糟，最後拎咗一個碗睇上去冇咁污糟自己抹返乾淨嚟用，洗碗同清潔做得非常馬虎。分別叫咗黑松露bagel同沙嗲牛肉麵，沙嗲牛肉麵等咗起碼半個鐘，食完飽飲完嘢到最尾要催先有個沙嗲牛肉麵食。侍應大部份都係講普通話，要重複講幾次佢地先聽得明，舉手叫唔該又扮睇唔到你，黑口黑面急急腳行開。最不滿嘅都係食具衛生問題。

我從來未試過入去餐廳食早餐要放棄離開。話說今日同兩位朋友於該餐廳等咗10分鐘之後安排入座，然後，各自手機點餐落單。落單後，很快便送上3杯餐飲+其中一個餐的1塊多士。之後，過咗20分鐘，沒有上餐便問職員請跟進。但是很可惜再過10分鐘，沒有職員交待，我就主動起身去出餐處找管理再詢問為何？她就列印點單出嚟往我們座位問，我們只說來了餐飲，其他什麼也未送來。非常非常失望，由下單後40分鐘仍然沒有職員過嚟交侍跟進，我們只好往收款處再找職員詢問出餐有什麼事，我們要求取消訂單離開。我真係感到非常失望，所有職員究竟如何工作及處理該餐廳的運作。我自己也有去過該集團的其他分店也感到滿意，但這間分店我就不敢恭維，請大家留意！

滑蛋三文魚龍蝦湯螺絲粉👎🏻🗑️未試過覺得啲食物垃圾到要俾劣評🤡但..上菜見到已經覺得少伏🤢啲湯好稀，煙三文魚得嗰幾條仔都算。🤏🏻飲啖湯完全零龍蝦味🦞❌似淡嘅蕃茄湯加鹽🥫啲螺絲粉淡茂茂🤮唔知自己食緊咩🤯跟餐嘅蒜蓉多士🍞應該係一早整定，上枱嗰陣已經凍哂，變得難咬😵‍💫問個侍應點解無龍蝦湯味，就咁望兩眼就走咗去，服務態度真係好㗎啫🤗最普通嘅熱檸水都唔掂👹無檸檬片🍋淨係落濃縮嘅檸檬汁溝熱水，酸到兩個點😓濃縮嘅檸檬汁應該係用於煮食/cocktail嘅時候調味(?)🫠食到咁上下聽到隔離枱問個待應🍝點解佢個肉醬意粉冇肉醬😹但公道啲講，試過佢嘅焗豬扒飯係唔錯嘅，平時嘅下午茶pizza都ok的🍕只可以話廚房人手不足真係好影響食客嘅感受😮‍💨

門面望都乾淨企理～入面空間都足夠，唔會好迫嘅～坐落都舒服～餐具倒轉放入去，就唔知個底幾耐洗一次～望到入面都乾淨嘅～🥹午餐都幾多元化～27種午餐～價錢由61～78蚊～同時提供了不少加購及飲品作選擇～個湯就一般啦～不濃郁，菇味也不突出～質素算不上是好的～可以吧～沙律一般～個人口味黎講黑椒太多～沙律汁也沒什特別～有點Hea~麵包不是脆口的～大概我和餐廳對多汁的定議略有不同～好少汁😣米也一般用料～但而雞蛋煎得靚的～牛扒也煎得好～肉質內嫩，外邊脆口～對得上這價格～～～

好耐冇食過呢間餐廳，夜晚睇完戲就入去食下，星期四食牛扒特別便，但係qr code落唔到特價價錢，大家記得搵職完落。牛扒分量充足，薯條都好香脆，呢個價錢食到呢個質素唔太差。當然唔好要求好有牛味好好食，我覺得對得住個價錢。另外叫野菌白汁焗雞飯，同以前一樣都係炒飯底，但係個炒飯底比較hea，以前真係吵到粒粒分明。另外冇咗松露汁，份量亦細咗，無論係雞嘅數量定係成碟飯嘅份量，都細碟咗，唯一芝士都係充足，不過不失。