薩莉亞意式餐廳 (Go Go Mall)

营业中

休息中

萨莉亚一直系西餐平价首选，从前以价钱平，食物有番啲质素，打出名堂！隔咗一阵子没有帮衬，行过见唔多人排队，㩒张飞帮衬吓喇，顺便支持吓香港餐饮业经济吖嘛！一行四人入座，手机看图点餐自动波，都系𠮶啲薄饼/意粉/宽条面/鸡翼等食品。食品上枱发觉同照片不乎，嚟个野菌芦笋忌廉粗管面，变咗忌廉汤面(有图)，问吓侍应是否搅错，佢二话不说就攞起行去厨房(我以为佢都认同，帮我攞去换)，点知跟住攞番碟粗管面返嚟话系咁嘅，跟住就行开咗！我截住个经理再问，佢都话系咁(厨房唔识煮面捞就认咗佢啦)，我话同Menu幅图好大落差，佢就一味话系咁! 唔要就取消! 唉... 唔怪得香港餐饮业生意一落千丈喇！质素同服务都要改善，加紧步伐追返啲口碑，如果唔就死得！希望佢哋会从善如流，不要白废之前建立的平靓正形象嘛！