Table Ten (已結業)

朋友知我喜欢食日本菜，上星期约埋几个朋友到一间新开的餐厅试试，平时间中都会到埃华街一带食晚饭, 但有水准的日式菜唔多选择, 估唔到有意外惊喜。餐厅座位舒适，有足够空间感，适合三五知己放工聚会。 刺身：非常新鲜，食得到鲜甜的味道，卖相吸引。塩烧牛舌：牛舌质感柔软，烧烤时间刚刚好，水准之作。烧鲜鸡肝及鸡心：味道跟一般用急冻货的串烧店真系有天渊之别，正! 。对于系羊痴的我，香草烧羊架又点会错过，肉质鲜嫩，味道一流，佢地仲有另一味道嘅羊架，我再encore一客，果然别有风味。 朋友经常去日本旅行都会食Yakitori，随口问问侍应有冇烧鸡尾，因为系香港唔系咁容易揾到日本餐厅有得食，点知侍应话有，朋友即刻点咗嚟食，佢话好好味，不过我唔敢试。我哋仲食咗鸡皮露笋串、软骨免治鸡肉串同埋烧日本青椒，今晚美中不足系烧鸡皮干咗啲…… 老板最后送咗甜品 “烧日本芝士年糕及烧菠萝” 俾我哋。整体嚟讲，消费比其他大角咀餐厅为高， 但以食材用料及质素比较，价钱是绝对可以接受。