影片
更多
2024-12-19
170 浏览
已经好耐无食新加坡菜。同朋友黎到奥运嘅「乐天经典」食饭。呢度有新加坡菜同粤菜等菜式，餐厅环境宽敞舒适，服务亦唔错，系同朋友、屋企人聚会好地方。见到佢晚市有二人套餐提供，唔想烦食咩二话不说就叫左呢个餐。有两款套餐，一款有蟹，一款无蟹，一场黎到就试下佢哋嘅蟹料理。二人套餐都几丰富。有前菜小吃一款、螃蟹料理一款、热炒一款、饭面一款、甜品同埋饮品，两个人食绝对会饱到捧著个肚走。每一个category都有好几款选择可以自选，总有啱心水嘅菜式。饮品拣左比较健康养身美颜嘅柠檬薏米水。前菜小吃拣左椒盐香酥鲜淮山。每一块淮山都系炸到金黄香脆，入面嘅淮山保持爽脆口感，椒盐嘅味道惹味但唔会太重口味，呢个好好食。热炒就拣左脆脆咕噜肉。中意呢度嘅咕噜肉选用嘅猪肉部位唔会太肥，而且甜酸酱调得恰到好处。主角之一嘅螃蟹料理有4款选择，拣左新加坡最出名食嘅辣椒螃蟹配炸刀切小馒头。估唔到螃蟹嘅份量都几大，蟹已经事先剪好一部分，食嘅时候都不至于太麻烦同狼狈，辣椒蟹嘅精髓在于个酱，觉得佢哋嘅出品都可以大致还原到新加坡食到嘅味道！微微香辣中有蕃茄嘅酸甜，每一啖都有丝丝嘅蟹肉，好鲜甜。不过最出色莫过于刀切小馒头，估唔到可以咁出色
同朋友黎到奥运嘅「乐天经典」食饭。
呢度有新加坡菜同粤菜等菜式，餐厅环境宽敞舒适，服务亦唔错，系同朋友、屋企人聚会好地方。见到佢晚市有二人套餐提供，唔想烦食咩二话不说就叫左呢个餐。有两款套餐，一款有蟹，一款无蟹，一场黎到就试下佢哋嘅蟹料理。
二人套餐都几丰富。
有前菜小吃一款、螃蟹料理一款、热炒一款、饭面一款、甜品同埋饮品，两个人食绝对会饱到捧著个肚走。
每一个category都有好几款选择可以自选，总有啱心水嘅菜式。
饮品拣左比较健康养身美颜嘅柠檬薏米水。
前菜小吃拣左椒盐香酥鲜淮山。
每一块淮山都系炸到金黄香脆，入面嘅淮山保持爽脆口感，椒盐嘅味道惹味但唔会太重口味，呢个好好食。
热炒就拣左脆脆咕噜肉。
中意呢度嘅咕噜肉选用嘅猪肉部位唔会太肥，而且甜酸酱调得恰到好处。
主角之一嘅螃蟹料理有4款选择，拣左新加坡最出名食嘅辣椒螃蟹配炸刀切小馒头。
估唔到螃蟹嘅份量都几大，蟹已经事先剪好一部分，食嘅时候都不至于太麻烦同狼狈，辣椒蟹嘅精髓在于个酱，觉得佢哋嘅出品都可以大致还原到新加坡食到嘅味道！
微微香辣中有蕃茄嘅酸甜，每一啖都有丝丝嘅蟹肉，好鲜甜。
不过最出色莫过于刀切小馒头，估唔到可以咁出色，馒头炸到外酥脆内软，入口松化，占辣椒蟹个酱简直系人间美味！
古早鱼香老鼠粉煲都好好味！
无平时马来西亚𠮶种老鼠粉咁浓味，呢度嘅古早味清清地但系就好鲜，入面有虾干、腊肉、冬菇、肉丝等材料，老鼠粉本身嘅口感都唔会太软烂，唔错。
最后嘅甜品系清心丸绿豆爽，暖笠笠嘅糖水完满结束左呢一餐。
张贴
