JK Kitchen (已結業)

同朋友2个人系铜锣湾行完街想揾啲野食医下肚仔，但又唔想食太普通嘅菜式，就上网揾左呢间越南菜试下！点知食物竟然令我地都意想不到，食到非常饱先走！我地2个首先叫左个越式春卷捞檬，佢春卷炸得非常脆口，但唔油腻，好食！捞檬酱汁另外提供，加埋檬粉一齐食，酸酸甜甜，最岩做开胃菜！讲到越南野，当然离唔开牛油鸡翼啦！我地都叫左一份鸡翼，半煎炸加上脆蒜，非常惹味！一份5只，同朋友每人有2只左右，做小食最岩！主菜我地叫左个越南老板娘炒米，见佢个名几得意，就叫一个黎试下！味道适中，唔会太咸太油，几好食！野饮我同朋友一个叫左杯龙眼冰，一个叫左杯珍珠奶茶，2杯味道都唔会太甜，唔错！