影片
更多
2017-12-12
225 浏览
最近见德福平台开左唔少新餐厅, 朋友话想试呢间中式餐厅好耐, 不过平日夜市都好多人排队等位, 几次都食唔成, 今次终于比我地食到lu haha~ 餐牌有几款, 一个系晚市小菜套餐, 有十几廿款常见既小菜套餐拣, 或者有冬日之选好似羊腩煲同生炒糯米饭等等, 主食有米线同泡饭既餐牌, 选择都几多, 小食又有唔少选择, 想清清地有粥同豆浆, 我都拣唔到咩都想食! 对于成日出街食饭既我, 有住家汤系件好吸引既事, 套餐加$20 跟既汤饭饮品, 是日汤品系粉葛汤, 系我最中意饮的汤, 加哂分啦!!! 粉葛已经煲得软稔入味, 仲有唔少猪骨同埋豆呢! 小菜我就当然拣我最爱既鸡啦! 鸡有3款选择, 好少见有菜胆鸡叫, 就叫左半只试试佢! 半只一百蚊有找都唔预佢好大只, 点知原来一上枱系劲大盘, 我见隔离枱一家3口都系叫半只。另外估唔到系有明火炉下面烧住, 所以成只鸡连埋啲汤热辣辣更好食! 一夹发现超大旧!!! 见唔见到系啖啖肉!! 鸡肉控见到都双眼发光, 但最惊喜系鸡既滑溜度! 本身鸡肉鲜嫰唔嚡口, 加埋自身既鸡油更滑, 可能因为有汤浸住, 滑身得黎又结实, 估唔到普通既鸡肉都可以咁有质素!! 叫左
最近见德福平台开左唔少新餐厅, 朋友话想试呢间中式餐厅好耐, 不过平日夜市都好多人排队等位, 几次都食唔成, 今次终于比我地食到lu haha~
餐牌有几款, 一个系晚市小菜套餐, 有十几廿款常见既小菜套餐拣, 或者有冬日之选好似羊腩煲同生炒糯米饭等等, 主食有米线同泡饭既餐牌, 选择都几多, 小食又有唔少选择, 想清清地有粥同豆浆, 我都拣唔到咩都想食!
对于成日出街食饭既我, 有住家汤系件好吸引既事, 套餐加$20 跟既汤饭饮品, 是日汤品系粉葛汤, 系我最中意饮的汤, 加哂分啦!!! 粉葛已经煲得软稔入味, 仲有唔少猪骨同埋豆呢!
小菜我就当然拣我最爱既鸡啦! 鸡有3款选择, 好少见有菜胆鸡叫, 就叫左半只试试佢! 半只一百蚊有找都唔预佢好大只, 点知原来一上枱系劲大盘, 我见隔离枱一家3口都系叫半只。另外估唔到系有明火炉下面烧住, 所以成只鸡连埋啲汤热辣辣更好食! 一夹发现超大旧!!!
见唔见到系啖啖肉!! 鸡肉控见到都双眼发光, 但最惊喜系鸡既滑溜度! 本身鸡肉鲜嫰唔嚡口, 加埋自身既鸡油更滑, 可能因为有汤浸住, 滑身得黎又结实, 估唔到普通既鸡肉都可以咁有质素!!
叫左小菜但都阻住唔到我叫粢饭既心XD 边个话夜晚唔可以食粢饭架, 一上枱好心急试, 劲辣手, 热到会辣亲咁济, 但就系因为咁够哂温度!! 以保鲜纸包得扎实企理, 一咬落去果下食到柔软中带韧性既糯米真系好幸福, 粒粒分明既糯米软硬适中, 热腾腾更加滋味, 饀既肉松份量慷慨, 由头到尾都食到, 当然仲有油条, 虽然油条唔算脆口, 而且唔见传统既榨菜( 不过我个人唔好榨菜哈哈!) , 但糯米同肉松已经够令我好满足, 推介!!!!
有粥既地方就有炸鱼皮? 虽然我无叫粥, 但炸鱼皮又系我的菜, 点会放过~~ 炸鱼皮十几蚊但一碟都装满, 够脆身咬落卜卜声, 同平时食既佢相对少油份, 感觉几健康, 而且唔会好咸或者重味, 即刻邪恶度减低左XDD
豆浆有好多味拣, 拣左姜味, 比想像中出既姜味, 而且本身甜度唔高, 好岩我饮, 可惜唔够热, 同店员讲左句, 主动比过杯新我, 好好态度!!
见豆浆唔错, 一于试埋佢个豆腐花, 有芒果椰汁等选择, 但我比日本红豆吸引左, 估唔到佢系成餐饭最正架!!!!!!
以木桶装几有风味, 比起平时甜品铺更有心思, 一把开盖出哂烟, 真系新鲜滚热辣~~~ 面铺满红豆, 红豆见到粒粒分明, 咬落非常粉绵, 好少见有整粒红豆但做到咁软身!!!
就咁食偏甜, 但夹埋豆腐花食就完全中和到, 不过豆腐花质感更是令人意想唔到呢! 比起平时既滑身水份多既豆腐花, 佢系浓杰得多, 但依旧滑身, 分别在于多左重豆味同埋口感更实在, 实在太好食!! 我决定下次就算食完饭经过都要食返碗做甜品!!!
张贴
