金滿庭京川滬菜館 (九龍東智選假日酒店) (已結業)

好耐冇食京川菜，惊好肥腻，今次因为朋友想食咪试下，今次好似同蛋有仇咁，因为大家都好钟意食蛋，叫左个前菜小食熏蛋，入口流心香滑，好正好满足，再叫左个必食既蟹粉小笼包，蟹粉好甘香，小笼包好多汁呀，皮唔会好厚，但又唔会一夹就烂晒，跟住就叫个赛磅蟹，一般酒楼都系揾菜围住，得中间小小，但呢间唔会，真系货真价实，仲要啖啖蟹肉，非常足料，蛋白香滑加上蟹肉，加入小小酱汁，口感好正，好抵食，菜方面拣左个龙虾汁煨豆苗，龙虾汁香浓，豆苗嫩滑，原来咁样配合会系咁好食，我连汁都饮埋，最后要推介下阔佬炒饭，其实系蛋白海鲜粒炒饭加入炸左既绕柱丝，d炒饭绝不油腻，粒粒刚刚好不会太干身太硬，最紧要没有加入味精，原汁原味。本来好想食甜品，可惜太饱了，下次再食过。