好客緣煲仔粥 (已結業)

今日再一次寻觅堂记不果，无拉拉又休息。一场来到，咁就继续系附近揾食啦，行左好多间，都系鸡煲，串烧啊，见到尼间好似都有肠粉喔，一于试下。 鲜虾肠哇，d皮真系晶莹剔透，吹弹可破，内馅呼之欲出。虾很新鲜，有虾味，好似新鲜虾咁啊，须知好多地方虾味都无。豉油甜甜地，拌上肠粉，滋味无比。可惜只有三条，食完即刻想encore。 煲仔鱼腩粥上来重滚加，有3/4旧鱼腩，不过比起虾新鲜程度就逊色不少。粥底浓稠，但绝不是很多粥店用味精沟出来嘅artificial味道，事实证明当晚都没有口渴，应该真系无或者好少味精。粥混合姜丝，葱，特别的是粥里还有脆脆的菜脯，和丝丝瑶柱，使每一口都有丰富的惊喜味道。 萝卜糕系要求下，都可以选择蒸。其他地方蒸萝卜糕一般都好软烂，这里却仍然坚挺，双口，不会一pia pia。有粒粒完整嘅萝卜，腊肠粒，虾米，好好味啊。可惜当晚太肚饿，只影左开头嘅粥，后面就只顾住自己食无俾相机食。虽然想揾嘅系另一间不果，但选择左尼间都真系好惊喜。有时揾食唔使刻意，保持开心嘅心情，食咩都好啦。