影片
更多
2011-03-17
9 浏览
之前团购买咗2张优惠券, 之前一晚突然谂起可以去食, 睇过张券话要预约, 心谂以为地方细细既舖仔都要预约咁夸张? 不过都有照打去约6:30, 点知老公放得工嚟都已经6:30, 我立即打去改7:00, 听电话系个男仔, 好爽快话无问题, 到时见。揾到呢个大厦之后就落地库, 见到有个招牌写Absolute Burger, 但望入去又系bar嚟, 我以为唔系, 再定定神望应该系, 门口位已经见到3个男仔系度玩飞镖, 跟住有个少少肥既男仔, 留羊咩须既带我哋位, 原来全部都系高椅, 我仲想问佢有无矮d既, 不过算啦, 我好快就递上张优惠券, 无加钱转牛肉/羊肉, 有鸡/鱼拣, 我哋都拣鸡肉~~胡须哥哥问我哋饮乜, 我哋都梗系问有咩拣, 老公拣咗汽水先, 我心谂我拣咩好呢, 因为汽水唔系咁啱大肚婆饮, 咁胡须哥哥好识趣话拣果汁啦, 有苹果, 橙汁同唔知咩, 我就拣橙汁, 跟住老公都想转架, 不过张coupon话汽水咋, 所以得我有呢个优惠~~呢个胡须哥哥真系好人~之后, 等咗一阵嘢食就到啦~先嚟橙汁, 应该系新奇士𠮶只然后嚟蘑菇条, 我系第一次食咋, 好特别, 不过都好好味最后系主角, 个包面有
之前团购买咗2张优惠券, 之前一晚突然谂起可以去食, 睇过张券话要预约, 心谂以为地方细细既舖仔都要预约咁夸张? 不过都有照打去约6:30, 点知老公放得工嚟都已经6:30, 我立即打去改7:00, 听电话系个男仔, 好爽快话无问题, 到时见。
揾到呢个大厦之后就落地库, 见到有个招牌写Absolute Burger, 但望入去又系bar嚟, 我以为唔系, 再定定神望应该系, 门口位已经见到3个男仔系度玩飞镖, 跟住有个少少肥既男仔, 留羊咩须既带我哋位, 原来全部都系高椅, 我仲想问佢有无矮d既, 不过算啦, 我好快就递上张优惠券, 无加钱转牛肉/羊肉, 有鸡/鱼拣, 我哋都拣鸡肉~~
胡须哥哥问我哋饮乜, 我哋都梗系问有咩拣, 老公拣咗汽水先, 我心谂我拣咩好呢, 因为汽水唔系咁啱大肚婆饮, 咁胡须哥哥好识趣话拣果汁啦, 有苹果, 橙汁同唔知咩, 我就拣橙汁, 跟住老公都想转架, 不过张coupon话汽水咋, 所以得我有呢个优惠~~呢个胡须哥哥真系好人~
之后, 等咗一阵嘢食就到啦~
先嚟橙汁, 应该系新奇士𠮶只
然后嚟蘑菇条, 我系第一次食咋, 好特别, 不过都好好味
最后系主角, 个包面有少少㶶, 不过唔紧要, 佢哋仲会畀埋胶手套, 咁就干干净净咁食, 由于系热食, 所以我觉得好好味我哋系第一对入嚟食嘢既人, 跟住入嚟既几对都差不多全部系食burger, 而且都系团购𠮶只~有4pair呢~
临走时, 胡须哥哥问我哋好唔好食, 我当然话好食, 佢就话下次再嚟过啦~我估老公都会再嚟既~~~
张贴
