極之好粥麵茶餐廳 (已結業)

同朋友讲起好想食炒出前一丁，朋友话去呢间极之好。未去时好怀疑，因为之前系度食过车仔面，唔多掂，可以话系难食，搞到以后唔多想再去。晚饭时间行到入去大把位，我地上左上层坐，两边墙贴满晒饮食周刊的剪报，好多都是推介呢度的炒出前一丁面。而且呢个菜得过奖，应该唔太差。我地叫左两样野share食。首先上菜的系「XO 酱花枝片炒出前一丁面」($45) -- 净系睇个样都食指大动，未拎上台已经闻到阵辣味。食落有少少辣，花枝片唔韧，口感几好，配菜都唔少，有大葱、洋葱、甘荀、芽菜、红椒、青椒同埋粉蛋丝，丁面其实都唔算油，可能因为我食过d仲多油的炒丁面，我觉得呢个做得真系几好。之后上菜的是「招牌黄金鸡翼炒出前一丁面」($45) - 呢个仲好味 ，因为无咁辣之余，仲可以食到出前一丁果种炒味。黄金鸡翼放左系丁面的面，排成一个十字，可以睇得出系有舖排过的，鸡翼炸得好香又唔会太油，佢层皮香脆得来又唔会炸到一大旧。虽然份量都几多，太美味的关系我地好快清晒两碟。呢度其他野食唔敢推介，呢个炒出前一丁真系值得食。四十几蚊一个炒丁面系比其他茶餐厅贵but 好味好多。至于侍应的态度，就如同之前的食评所讲一样，会同客人吹下水，