影片
更多
2024-12-21
896 浏览
话说早几日行商场见到有个好大个嘅牛字嘅广告，原来开咗新嘅牛饭餐厅。食到咁闷有新嘢梗系嗱嗱临去试啦。去到门口排晒长龙咁，心谂唔系真系要等好耐啩。原来系排前面啲阿哥唔识用啲点餐机😅见佢多番尝试左成10分钟，最后放弃入返去柜面。我谂呢个问题餐厅要喺𠮶度俾多少少提示教学下🙈，牛肉嘅份量同埋饭嘅份量都有好多个选择，最后我哋嗌咗两个盐烧牛肉饭配唐杨炸鸡。落完单之后，其实都好快就有得攞餐，喺取餐处隔离仲有啲烧肉酱油可以自行添加。埋到位见到个样都好靓，嗱嗱临倒晒啲配料落去就开餐啦。唧完D柠檬汁一啖放入口，啲牛嘅味道真系唔错，有啲仲会有㶶边，配合埋个酱汁不得了。😋不过食落都有d唔系几咬得开😅，个饭仲有几片泡菜都几开胃。最后就食呢一个炸鸡，唔系吹水真系未试过咁滑，佢系成个波咁，外面脆入面滑仲有好多肉汁，一咬落去要小心啲，如果唔系成口肉汁流晒出。综合嚟讲，CP值算几高，又一个新饭堂lu
落完单之后，其实都好快就有得攞餐，喺取餐处隔离仲有啲烧肉酱油可以自行添加。埋到位见到个样都好靓，嗱嗱临倒晒啲配料落去就开餐啦。
唧完D柠檬汁一啖放入口，啲牛嘅味道真系唔错，有啲仲会有㶶边，配合埋个酱汁不得了。😋不过食落都有d唔系几咬得开😅，个饭仲有几片泡菜都几开胃。最后就食呢一个炸鸡，唔系吹水真系未试过咁滑，佢系成个波咁，外面脆入面滑仲有好多肉汁，一咬落去要小心啲，如果唔系成口肉汁流晒出。综合嚟讲，CP值算几高，又一个新饭堂lu
张贴
