魚治 (M88)

营业中

休息中

上星期家人订咗呢间系中环威灵顿街嘅鱼治Uoharu，大家都无谂过原来咁得意又好食。个门口好矮，要乌低身入去，奶奶要用拐杖，我仲叫佢小心，点知侍应哥哥好快手咁拉开旁边嘅秘门方便比奶奶行入嚟。食食下听到侍应哥哥预告会有禾秆草烧鲣鱼环节，之后仲会分比每一枱试食，好香好好味呀😋唔知会唔会不定期转玩第二啲嘅呢。每枱都会有个调味架，架入面有不同味道嘅酱汁点唔同款式嘅炸物、烧物、鱼生、鱼类、肉类。其实我觉得大部分食物上枱时本身嘅调味已经够味，不过想浓味点汁的话，侍应哥哥都好有心机介绍点边个汁会夹味道。前菜系新鲜蔬菜点鳀鱼酱真系好食到可以一个人食晒。一夜干鲣鱼尾好味，肉质仲保持唔会干。相入面每一样都好味，可惜胃容量有限，下次再去战斗一番。话说最后甜品佢地叫咗ice cream sandwich，咁我以为系成件日本入口，点等咗一阵都未有就问侍应哥哥啦，原来系用法包仲要系焗到又脆又暖再酿雪糕入去，听讲几好食，我下次又叫嚟试下先。