影片
更多
2008-05-13
4 浏览
母亲节又要谂去边度食晚饭其实去 Lawry's 系我自己意思因为想试好耐, 又贪佢贵少少冇噤多人订咗星期日晚八点半, 我一家一行五人去到时个场都已经半满𠮶度个环境相比我心目中嘅所谓 "扒房" 无乜分别, 只系灯光比较充足之前睇 Openrice 嘅食评已经知道呢度嘅 Waitress 系制服诱惑, 所以已经有晒心理准备, 以为系 "Lolita" 𠮶种嘅夸张但亲眼见到又觉得无乜嘢, 系多条围裙加多个头饰噤解, 称不上做作.在马鞍型座位安顿之后, 好! 叫嘢食.当晚有母亲节套餐, 其实又系 "龙虾汤或沙律" + "鱼或牛" 配龙虾尾 + "心太软或cream brulêe"最终叫咗两份母亲节餐, 三份 Lawy Prime Rib, 我就另外叫多个蘑姑汤, 仲有枝 house red.𠮶日瞓到下午先起身冇食晏, 所以已经狂食枱上嘅面包冇几耐 Waitress 推架车仔过嚟表演 Spinning Salad (我又想玩)沙律用 Chilled fork 食, 心谂佢真系噤讲究定系懒讲究, 沙律上枱时摸一摸只碟睇吓会唔会 chill 理, 一摸, 冇.沙律唔错, 其实同一般新鲜沙律冇乜分别,
母亲节又要谂去边度食晚饭
其实去 Lawry's 系我自己意思
因为想试好耐, 又贪佢贵少少冇噤多人
订咗星期日晚八点半, 我一家一行五人去到时个场都已经半满
𠮶度个环境相比我心目中嘅所谓 "扒房" 无乜分别, 只系灯光比较充足
之前睇 Openrice 嘅食评已经知道呢度嘅 Waitress 系制服诱惑,
所以已经有晒心理准备, 以为系 "Lolita" 𠮶种嘅夸张
但亲眼见到又觉得无乜嘢, 系多条围裙加多个头饰噤解, 称不上做作.
在马鞍型座位安顿之后, 好! 叫嘢食.
当晚有母亲节套餐, 其实又系 "龙虾汤或沙律" + "鱼或牛" 配龙虾尾 + "心太软或cream brulêe"
最终叫咗两份母亲节餐, 三份 Lawy Prime Rib, 我就另外叫多个蘑姑汤, 仲有枝 house red.
𠮶日瞓到下午先起身冇食晏, 所以已经狂食枱上嘅面包
冇几耐 Waitress 推架车仔过嚟表演 Spinning Salad (我又想玩)
沙律用 Chilled fork 食, 心谂佢真系噤讲究定系懒讲究, 沙律上枱时摸一摸只碟睇吓会唔会 chill 理, 一摸, 冇.
沙律唔错, 其实同一般新鲜沙律冇乜分别, 只系我钟意佢入面加咗蛋白粒(个人钟意食蛋)
沙律之后上汤, 我个蘑姑汤都只系蘑姑汤, 不过我见龙虾汤只虾都几大.
到主菜, 又一大架餐车推理嚟, 一人一块
我自己系拣 Medium rare, Prime rib 本身跟薯蓉, 额外嘅 sides 有菠菜蓉, 粟米. 我楝咗菠菜蓉.
烧牛肉唔错, 但只系不过不失, 如果热啲会更好
反而配菜嘅粟米我又觉得几好味, 菠菜蓉就嘛嘛
我自己𠮶份都系仅仅食晒, 其他都要打包.
两份母亲节餐, 甜品 "心太软同 cream brulêe" 一样一件
我不嬲都唔太好所以冇试, 而且我唔明女人真系可以食饱晒之后再食甜品.
睇佢哋清晒两样, 我估应该唔差. (不过系甜品系女人都钟意食...)
最后埋单二仟伍, 比我想像中平少少 (五个人、母亲节、开酒), 仲有泊车有优惠.
后记：
食物, 其他唔讲, 嚟得 Lawry's 食嘢嘅人多数都系食 Prime Rib, 交到货之余应该做得更好.
地方, 除咗太光之外都有扒旁 feel, 餐车之前起尖沙嘴 Hugo's 已经见识过, 不过再见返都觉得好有趣.
服务, 其实成餐饭最令我印象深刻就系呢一 part. Lawry's 嘅侍应生不论男女全部都系一啲较为年轻嘅人, 比起一般老牌扒房嘅阴暗 + 死气沈沈 + 古板, Lawry's 会比较有活力, 侍应生有体貌之余都肯讲吓笑, 感觉好 friendly. 可能呢啲就英式美式嘅分别.
张贴
