Four O Five Coffee & Eatery

营业中

休息中

🍝🍽️🥞意粉出色，打卡疏乎厘🔔QR code 点餐，服务几好，上疏乎厘前会换碟同餐具✅明太子酱软壳蟹意大利粉 - $128呢个意粉好好味，软壳蟹新鲜炸起好脆，而且咸香十足。至于明太子意粉好Creamy，明太子味好浓，旁边有少少辣粉令到意粉微辣好惹味，口感亦都唔错。🆗特浓开心果忌廉麻糬疏乎厘 -$158可能太高期望，所以有啲失望。开心果味嘅疏乎厘比其他贵颇多，原味嘅话只系需要$98，而伯爵茶味连埋珍珠都只系需要$118，但开心果味就要$158。虽然上枱睇系好靓，但系味道就一般般，开心果忌廉上面有啲开心果碎，但系个忌廉嘅开心果味就唔系几浓。另外都冇谂过麻糬系一片铺系面，而唔系有啲麻糬粒粒喺疏乎厘入面，而个疏乎厘都唔系好空气同埋流心，不过蛋味香浓，而且软绵绵，反而有啲似蛋糕。两块都好厚，好大块，两个人食会好饱，建议多啲人嚟share。