影片
更多
2019-06-16
325 浏览
话说之前都讲过，屯门市中心大部分都系连锁店，冇乜小店嘅足迹，有嘅话最多都喺华都商场𠮶边，今日就去另一间华都入边嘅小店，想走cafe路线嘅US813。呢间铺头卖意粉为主，亦都有意大利饭，披萨，同各种小食。噉我哋就试左一个炖饭同一个意粉。白汁海鲜炖饭。炖饭嘅份量都几大，男人食都应该够饱嘅，味道衹能够话系一般。海鲜都足料嘅，有虾，青口同鱿鱼。不过食到一大半嘅时候，个饭就觉得好滞，唔系太食得落去喇。明太子鲜虾意粉。明太子虽多，但本身以意粉个汁比较稀，所以个意粉都唔算好creamy，有啲失色，虾亦略嫌唔够弹牙，衹能够话似系homemade嘅意粉。芝士焗意式肉丸。呢个小食最为正路，有番茄味之余又唔会话太酸太咸，肉丸分量算多，味道亦都唔错，所以呢个小食感觉系最高分。菠萝特饮，即系雪碧加罐头菠萝，都系一般啦。总结，虽然系主打意粉，但意粉质素都只系平平，反而肉丸有质素，同区嚟讲小店会系支持嘅，不过同样价钱亦都有更加好嘅选择。
话说之前都讲过，屯门市中心大部分都系连锁店，冇乜小店嘅足迹，有嘅话最多都喺华都商场𠮶边，今日就去另一间华都入边嘅小店，想走cafe路线嘅US813。
呢间铺头卖意粉为主，亦都有意大利饭，披萨，同各种小食。噉我哋就试左一个炖饭同一个意粉。
白汁海鲜炖饭。
炖饭嘅份量都几大，男人食都应该够饱嘅，味道衹能够话系一般。海鲜都足料嘅，有虾，青口同鱿鱼。不过食到一大半嘅时候，个饭就觉得好滞，唔系太食得落去喇。
明太子鲜虾意粉。
明太子虽多，但本身以意粉个汁比较稀，所以个意粉都唔算好creamy，有啲失色，虾亦略嫌唔够弹牙，衹能够话似系homemade嘅意粉。
芝士焗意式肉丸。
呢个小食最为正路，有番茄味之余又唔会话太酸太咸，肉丸分量算多，味道亦都唔错，所以呢个小食感觉系最高分。
菠萝特饮，即系雪碧加罐头菠萝，都系一般啦。
总结，虽然系主打意粉，但意粉质素都只系平平，反而肉丸有质素，同区嚟讲小店会系支持嘅，不过同样价钱亦都有更加好嘅选择。
张贴
