影片
更多
2014-11-19
899 浏览
煮嘢食话难唔难，话易唔易，不过，如果有人为你预备好晒食材，洗、切、量、腌乜都搞掂好晒，按部就班，新手绝对可以大显身手呀！旧年中就试过Secret Ingredient嘅网上食材，由餐汤、沙律、主菜到甜品，由小弟一手包办，老婆都赞有高级西餐厅水准㖞。今年再接再厉，得店方赞助试煮佢哋为感恩节特别推出嘅火鸡卷，另外，再自行购买多一份餐汤及沙律，同家人晌周六提早渡过感恩节，以示多谢一路嚟嘅照顾。意式罗勒蕃茄汤 $65Roasted Tomato and Basil Soup虽然每一份标为二人份量，以700毫升为标准，不过，包装盒内显示为1公升，绝对够3-4个人饮，若怕个味太浓郁（因为真材实料嘛），可按个人喜好加番少少水作调校。因为个汤本身已经喺煮好，故此，唯一可做就只需翻热，烹煮难度喺零。翻热后，加上香脆蒜蓉包粒就完成。官网都有讲明有咩材料成份，鲜橙红色嘅蕃茄汤以蕃茄、洋葱、大蒜、罗勒、辣椒、盐及橄榄油又烤又煮熬成，蕃茄跟罗勒味好突出，跟罐头汤比当然味道鲜活好多，质感亦都颇滑溜，不过，放入汤中嘅面包粒好易变腍，所以，非必要都喺唔好「相机先食」太耐。香醋芝士红菜头核桃沙律 $60SI's Bee
意式罗勒蕃茄汤 $65Roasted Tomato and Basil Soup
虽然每一份标为二人份量，以700毫升为标准，不过，包装盒内显示为1公升，绝对够3-4个人饮，若怕个味太浓郁（因为真材实料嘛），可按个人喜好加番少少水作调校。因为个汤本身已经喺煮好，故此，唯一可做就只需翻热，烹煮难度喺零。
翻热后，加上香脆蒜蓉包粒就完成。官网都有讲明有咩材料成份，鲜橙红色嘅蕃茄汤以蕃茄、洋葱、大蒜、罗勒、辣椒、盐及橄榄油又烤又煮熬成，蕃茄跟罗勒味好突出，跟罐头汤比当然味道鲜活好多，质感亦都颇滑溜，不过，放入汤中嘅面包粒好易变腍，所以，非必要都喺唔好「相机先食」太耐。
香醋芝士红菜头核桃沙律 $60SI's Beetroot-Walnut Salad with Feta and Balsamic Vinaigrette
同样标为二人份，但材料填满整个纸盒，今次个红菜头沙律唔似上次个希腊沙律（SI's Greek Salad）又搅又捞，完全整好晒，趁煮汤嘅时候，上碟再倒啲意大利油醋汁，捞一捞就食得，非常方便。
整盒沙律成份包括：沙律菜、红菜头、羊奶芝士、红洋葱、烤核桃及少少百里香香草，而红菜头及羊奶芝士份量颇多，感觉好足秤。沙律菜几爽脆，羊奶芝士唔太膻，软滑但挺咸，夹埋沙律菜或红菜头一齐食会对大部份人嚟讲易入口，此外，油醋汁酸香，令整份沙律感觉清新。
火鸡卷配烤根块蔬菜和烟肉蘑菇青豆角 $800SI's Turkey Ballotine stuffed with Thyme and Sage Sausage, Roasted Root Vegetables with sauté Bacon and mushroom with Snake Beans
嚟到今日嘅主菜「火鸡卷」，真喺唔拎上手唔知条火鸡卷咁坠手。10份材料由A-J标签好晒，因为Secret Ingredient标榜人人都可以优悠咁快乐煮食，所以，除「事前功夫」搞好晒之外，一般都唔会超过10个烹煮步骤，20-30分钟之内就可以完成，不过，今日依个烤火鸡卷要烤焗，所用时较长。
主菜有张英文烹调指引，以及所需厨具提示，虽然指引喺以英文撰写，但用词浅易，兼且图文并茂，总之唔使担心，慢慢嚟，一切按部就班一步跟一步，都唔会出现大问题。
先将根块蔬菜以橄榄油、百里香及香料捞匀，再放上火鸡卷，包锡纸入炉焗35min（200°C），虽然无讲用咩火，但稳阵啲用底面火就最安全。
下一步，就拎走锡纸再焗至火鸡卷上色，不过，食谱就话焗多10min，但唔喺太上色，所以，开尽面火230°C焗多佢10min，效果好啲，外观多点「古铜」色。
另外，趁第一转焗嘢嘅时候可以煮汤上沙律，而到第二转焗嘢嘅时候就可以炒定个伴菜，焗完、炒好就即成，有得食。
煮好嘅成品个份量真喺十足，今个火鸡卷话就话4人份，个人觉得5个人都够食，再者，仲有烤根块蔬菜及炒烟肉蘑菇青豆角呢！
火鸡卷内酿满免治猪肉馅，虽然火鸡肉一向俾人印象都喺肉质嚡啲，但胜在脂肪少，横切开嘅火鸡卷所见，真喺无乜皮下脂肪，跟个鲜打小红莓酱，效果不俗，免治猪肉好松化；而配菜嘅白甘荀、红萝卜、南瓜都几好食，最得意喺两条白甘荀，味道极似青萝卜，口感就似蕃薯㖞；此外，烟肉蘑菇青豆亦唔错角，烟肉嘅油香渗进新鲜蘑菇及青豆中。
晌之前个食评都有详细介绍过Secret Ingredient（http://www.openrice.com/restaurant/commentdetail.htm?commentid=2306982&con=rvw），所以，今次都唔多累赘再讲，自行上官网睇睇仲好。要讲嘅喺除上环店，依家仲多咗跑马地店，而速递服务范围亦已经覆盖咗香港大概八成地区，唔知几时晌九龙区有店呢？
题外话/补充资料：
文中已讲明「火鸡卷配烤根块蔬菜和烟肉蘑菇青豆角」喺店方所送，作为试煮活动嘅材料，而「意式罗勒蕃茄汤」及「香醋芝士红菜头核桃沙律」喺自费购买；平均消费一栏只喺方便大家作个参考，并非完全实际消费金额，相信读者会明白。
(以上食记乃用户个人意见 , 并不代表OpenRice之观点。)
张贴
