影片
更多
2011-11-29
18 浏览
某某国内电信公司，晌23/11𠮶日买行晒报纸，请大家晌24/11美国佬嘅感恩节饮咖啡，仲大手笔咁一共派2,000杯，凭换领券就可以免费享用餐牌上任何一款咖啡一杯，又或者换张咖啡赠券（有效期至30/11），迟啲先换咖啡又得，而咖啡供应商户就系petite amanda！食完晏第一时同同事走过去睇睇咩环境，哗，又真系几多人排，不过好多人都系换咖啡赠券，换完就走，所以流量几快。可能由朝早到依家，都实在好多人排，见到Amanda都有少少「忟忟憎憎」，加上有啲港男、港佬，一个人揸住一叠咁嚟换，心谂：唔使钱啫，唔使咁贪啩！一个店员负责换赠券兼落单，其他店员同Amanda就不停咁冲咖啡，未停过，真系辛苦晒佢哋！可昔店子系得一部咖啡机，排队等咖啡嘅人（包括埋我哋）就越排越长。其实，Amanda嘅法式甜饼晌开店之初，已经好有兴趣想试，今趟既然咖啡唔使钱，又走到过嚟，就更大理由要帮衬佢啦！晌排队之时，双眼已晌个饼柜不停扫射，一柜共11款甜品，好像照磁力共振咁，睇样又睇系咩味道、成份（每款都有介绍牌仔在前）。最终，我拣咗一款心水，同事又拣咗佢嘅「飞弗」，再加上一件好评如潮嘅，两个人食三件饼，感觉有啲奢侈。
食完晏第一时同同事走过去睇睇咩环境，哗，又真系几多人排，不过好多人都系换咖啡赠券，换完就走，所以流量几快。可能由朝早到依家，都实在好多人排，见到Amanda都有少少「忟忟憎憎」，加上有啲港男、港佬，一个人揸住一叠咁嚟换，心谂：唔使钱啫，唔使咁贪啩！一个店员负责换赠券兼落单，其他店员同Amanda就不停咁冲咖啡，未停过，真系辛苦晒佢哋！可昔店子系得一部咖啡机，排队等咖啡嘅人（包括埋我哋）就越排越长。其实，Amanda嘅法式甜饼晌开店之初，已经好有兴趣想试，今趟既然咖啡唔使钱，又走到过嚟，就更大理由要帮衬佢啦！晌排队之时，双眼已晌个饼柜不停扫射，一柜共11款甜品，好像照磁力共振咁，睇样又睇系咩味道、成份（每款都有介绍牌仔在前）。最终，我拣咗一款心水，同事又拣咗佢嘅「飞弗」，再加上一件好评如潮嘅，两个人食三件饼，感觉有啲奢侈。
Charlotte aux Poires $40- 晌饼柜里面，每一款甜点之前都有个名牌，除咗有个名之外，仲有简单介绍埋成份，因为个名以法文相称，睇见都未必知系乜，下面一组英文成份，至少俾人有个概念。
- 依个我称佢为「法式洋梨慕丝蛋糕」啦，其实都可能译得唔系好准，因为好奇之下，查过Charlotte点解，yahoo字典译为「水果奶油布丁」，慕丝同布丁质感系好唔同，不过依啲都系题外话，边位有识之仕不妨指教指教！
- 言归正传讲番件蛋糕先，先讲卖相，外型清新洒脱，饼面十数片梨肉，薄薄而斜切排列，令人觉得如女性般温柔细腻。味道也跟外型相衬，名片嘅成份系咁样注明：lady finger biscuit, pear mousse, pears，最底层有别于一般海绵蛋糕，而系用咗lady finger。不过好老实，同整tiramisu时所用嘅lady fingers口感有少许唔同，佢会好饼干嘅质感，较硬身。但依家食到嘅，个人觉得介乎海绵蛋糕与lady fingers之间，点解咁讲？因为佢整体无lady fingers咁硬，而蛋糕体外围除咗甜，口感仲有粒粒幼沙既感觉，口感酥脆，又几有趣，同事仲话有种嗒沙糖嘅感觉添。仲有样嘢系小弟好欣赏个饼底，就系你睇佢横切面就知，饼底除咗薄薄一层「手指饼」垫底，围圈嘅「手指饼」同样厚薄匀均。内馅加入少少果肉，再简简单单注满香梨慕丝，慕丝好有梨味，而且带有轻微天然云呢拿香，细心嘅话就会留意到慕丝中点点云呢拿籽，再者慕丝做得甚有水准，柔滑而唔太甜，当然依个甜度应该调校过较为适合港人嘅。至于最上面嘅梨肉，清甜多汁，感觉很新鲜，食得出用料上乘，果然不愧为镇店甜品之一呀！
Mille Feuille $43- 同事「飞弗」、必食嘅酥皮拿破仑蛋糕！明明系一种传统嘅法国蛋糕，唔知点解跟拿破仑扯上关系，晌网上揾吓，都出现好几个说法，当然晌度唔多讲，「盏」班门弄斧献丑。我都系钟意佢另一个较少人用嘅名「法式千层酥」，因为Mille Feuille本身就系有千层酥皮嘅意思嘛！
- 成份注明：puff pastry, light pastry cream，相信唔讲大概都知。酥皮松化得紧要，食到个口感系由一层又一层好幼薄嘅酥皮组合成一件，又唔会有「啃」牙嘅感觉，即系无话有部分厚咗，佢做嘅酥皮真系技巧同功力兼备，咬落上、中、下层层都咁松脆。中间原味嘅吉士，个人评语得两个字：香、滑，香，有蛋香，清甜；滑，唔系软身就叫滑，系柔滑，挺身得嚟，质感好柔软。而且，都加咗少少云呢拿，多咗朕香味。质素无得讲，真系「顶」佢，俾个顶级过佢。同事都话，好似绵花糖咁，睇佢好挺身，原来咁软，所以同事劲赞佢超好味。
Chocolate Tart $43- 朱古力一向都系小弟至爱，所以心水就落晌依个「朱古力挞」身上。唔好单睇佢外表矮矮偏偏咁，其实已经有成4层咁多，横切一眼就见晒，可见个朱古力挞制作一啲都唔「马虎」，吓吓都系手工嘢。
- 成份简述有：flourless chocolate sponge, chocolate ganache。挞壳食落几脆㖞，当然同「千层酥」𠮶只唔同，千层酥系松脆，朱古力挞就正如曲奇𠮶种甘脆，又有牛油香；然后上一层系薄薄既无面粉朱古力蛋糕，因为无加面粉，食起嚟较湿润，又重朱古力味，有啲似班尼士；占中间馅心大部份系软朱古力「ganache」，同事话唔够软滑㖞，因为佢唔系慕丝，而系软朱古力，系一种以忌廉加朱古力做成、浓郁且软嘅朱古力夹层，有时食啲粒装朱古力都会遇到，确实，层软朱古力几浓郁，好在又唔过甜；最后，就系最上面嘅镜面朱古力浆，做得细致、有光泽唔哑色、无水泡，镜面朱古力做到咁光滑其实都唔容易，抵俾个赞佢，再者，朱古力够浓香，好够朱古力味，又无死甜！同事都觉得好食，系唔唔钟意个挞壳咁硬啫。
Café latte with organic milk $42 (12oz)免费咖啡可以任拣，我就要咗杯鲜奶咖啡，零售价8oz为$38，12oz为$42，虽然系免费送嘅，难得送杯12oz之余，仲制作认真，故要需时。咖啡感觉几幽香，有轻微涩口，但奶泡够，口感柔顺，绝对无话送嘅就「求求其其」。
感恩节系美国同加拿大共有嘅节日（网上资料：美国感恩节晌每年11月第四个星期四，加拿大感恩节就晌每年10月第二个星期一），真系唔系好关我哋事。不过，人要学识感恩，好多嘢唔系必然。小弟揾得唔算多，但从来衣食无忧，比上不足，比下有余，有时仲叫做可以食到啲好嘢。$4件西饼我唔会嫌弃，$40一件嘅我会心存恩感去欣赏。我可以睇到眼前美食个卖相，又可以闻到佢散发嘅香气，更可以尝到内藏嘅味道同质感；唔好只睇你杯中少咗半杯水，其实你手里仲有半杯水！又一个题外话，小弟帮佢计过数，卖版广告我就唔知要几多钱，但2,000杯咖啡，每杯零售价系$42，即系派咗$84,000出去（咁大量，可能实际唔使俾咁多添）。因为斋晌免费报纸卖版广告，啲人揭完就算，都唔知你乜水电信公司，依家有咁著数嘢，真系望多两眼，我见有啲人仲成页广告撕落嚟，排队时有啲人又打电话同朋友讲排紧队换咖啡，系乜乜电信送架，咁做真系几有宣传之效。希望第时见到多啲商户都会用依招，益吓啲小市民都好丫！
张贴
