影片
更多
2010-07-21
14 浏览
平时，我为朋友搅生日饭局，今次轮到我生日！有两位朋友为我搅生日！真系感激 8 位朋友庆祝我的生日！就算我无为个朋友搅生日饭局，甚至有朋友去教会都赶过嚟！够哂俾面呀！我要好好珍惜呢啲机会！因为，朋友拍拖嘅拍拖，结婚嘅结婚；剩余我哋嘅单身圈子越缩越细！呢度比我预期中多嘢食！头盘：大杂汇 印度炒饭：炒得干身，饭明显系炒得一粒、一粒，够散！印度米系长长幼幼，炒饭虽然系橙黄色，起初以为橙色系红萝卜丝，应该系黄姜，因为，见到部分饭粒亦染到橙黄色！呢个饭无咩料，相信系连咖喱一齐食！附近有其他咖喱配菜，不过，我对咖喱兴趣不大，只系攞咗少少青瓜粒、番茄粒、菠萝粒；连印度炒饭一齐食，感觉清新！虾仁蒸豆腐：清淡之选！豆腐够滑，虾仁爽身、好似龙井虾仁一样晶莹剔透。海鲜：虾同鱼柳同样入味，青口尚算新鲜！香草包：本身系硬身，包质密度高，食落有种独特嘅咸味！热盘：中西日拼盘 炒河粉：麻麻地，河粉粗身不在话下，又黏住哂，胜在唔太油！西式时蔬：卖相得体，误以为系薯蓉配番茄，所以攞咗两件；食落才中招！系香浓芝士蓉，好馏呀！同番茄一齐食有中和作用！菠萝粒：又甜又多汁，令我一食回味！香煎猪扒：配上香草粒、茄汁豆、烚蛋切成蛋白
真系感激 8 位朋友庆祝我的生日！就算我无为个朋友搅生日饭局，甚至有朋友去教会都赶过嚟！够哂俾面呀！
我要好好珍惜呢啲机会！因为，朋友拍拖嘅拍拖，结婚嘅结婚；剩余我哋嘅单身圈子越缩越细！
呢度比我预期中多嘢食！
头盘：大杂汇
印度炒饭：炒得干身，饭明显系炒得一粒、一粒，够散！印度米系长长幼幼，炒饭虽然系橙黄色，起初以为橙色系红萝卜丝，应该系黄姜，因为，见到部分饭粒亦染到橙黄色！呢个饭无咩料，相信系连咖喱一齐食！附近有其他咖喱配菜，不过，我对咖喱兴趣不大，只系攞咗少少青瓜粒、番茄粒、菠萝粒；连印度炒饭一齐食，感觉清新！虾仁蒸豆腐：清淡之选！豆腐够滑，虾仁爽身、好似龙井虾仁一样晶莹剔透。海鲜：虾同鱼柳同样入味，青口尚算新鲜！香草包：本身系硬身，包质密度高，食落有种独特嘅咸味！
热盘：中西日拼盘
炒河粉：麻麻地，河粉粗身不在话下，又黏住哂，胜在唔太油！西式时蔬：卖相得体，误以为系薯蓉配番茄，所以攞咗两件；食落才中招！系香浓芝士蓉，好馏呀！同番茄一齐食有中和作用！菠萝粒：又甜又多汁，令我一食回味！香煎猪扒：配上香草粒、茄汁豆、烚蛋切成蛋白及蛋黄粒，很惹味，又唔会觉得干憎憎！卤水鸡翼：够肥美，除了卤水味之外，还有花椒八角嘅味道，感觉特别！效果亦唔错！烧肉：好肉者必选，用蚝油炆嘅烧肉，惹味得嚟又易入口！寿司：只系普通货色，以鸡蛋、蟹柳、青瓜、猪肉松做馅；欠缺特色！
甜品：10 款
甜品款式繁多，琳瑯满目，令我眼花撩乱！一下子，不知怎样选择！
杂锦蛋糕：一口蛋糕外形吸引，以一支打咗结嘅竹签作装饰，细心之余又方便进食！面头有椰丝，有点似椰丝棉花糖！朱古力迷你蛋糕：又系一口蛋糕，以一点小金箔作点缀；平凡中带点不平凡！内有合桃，略有口感！姜汁炖蛋：甜姜放面，炖蛋偏甜兼比较结实！杨枝金露布甸：可能系我先食偏甜嘅姜汁炖蛋关系，影响味蕾，觉得较淡味！木槺布甸：底部有曲奇饼味，中间唔系好 cream，好在唔会馏！芒果布甸：最感兴趣系面头有几粒小果子，疑似大大粒嘅蟹子，一咬穿系酸甜果汁味！好特别！布甸质感滑溜溜！芝士蛋糕：芝士味浓郁，食完唔觉馏！值得一赞！黑加伦子蛋糕：黑加伦子 cream 比较馏，配上朱古力蛋糕，有饱肚感觉！最后，蛋糕仔亦系一口蛋糕，比较硬身，甜甜地；好似西饼店嘅缩水版 cupcake !
Movenpick 芒果热情果雪芭
食完多款甜品，坐咗半个钟，再战雪糕区。有云呢拿籽、咖啡、朱古力、薄荷、士多啤梨味.....雪糕；宁舍有款芒果热情果雪芭，感觉清新健康！口感浓郁芒果味，混入芒果粒，味道酸中带甜，完全攻撼我嘅味觉！同时，又满足我嘅食欲！
食完呢餐开心之余，亦好满足！再次多谢朋友嘅好介绍！
张贴
