瀛燒居酒屋

营业中

休息中

放工好肚饿，不如就响呢头揾食，行过见到呢间舖头，系一间居酒屋，好似几好咁，于是入去睇睇!餐厅有两层地方唔大唔细，睇落好有日本风格。坐得几舒服，环境干净整齐。睇到餐牌好多嘢都想食，我就叫咗牛肠锅，份量都唔少，锅入面有牛肠，粉丝，冬菇，金菇菜，鸡脾菇，大葱，苟菜，娃娃菜，红辣椒。牛肠入面够粉 烟韧弹牙。小食就叫咗自家手作鸡肉棒，阿波尾鸡翼。鸡肉棒口感丰富淡淡肉，鸡翼香喷喷烧得刚好金黄色。串炸物我叫咗日本宫崎肠，日本白板鱼蛋，三文亲子。(再配上烧汁)，宫崎肠味道特别，似烟熏过，外皮炸得唔太厚，唔会腻。鱼蛋弹牙够爽!炸三文鱼配上鱼子最啱系送酒!本人酒量麻麻，点咗柸山梨巨峰Sawa气酒，有水果味容易入口，味道都唔错。