春水堂 (太古城中心)

营业中

休息中

成立于1983年既春水堂创出世界第一杯台式泡沫红茶同风行全球的珍珠奶茶～佢既珍珠系细细粒软韧有口感，茶底甘甜唔涩，每次嚟都必定会order 呢个单品～唔平但好饮既～（佢哋其他既茶饮都唔错～爱玉铁观音柠檬茶都好啱夏天饮）半筋半肉红烧牛肉面，经典口味比较有保证～汤底唔错够浓够香味加埋酸菜更加有层次感，牛筋炆得够淋，牛腱肉质松软（八成既都唔干柴，有一两旧就麻麻哋）。 但系，个面质地比较差，唔弹牙感觉有啲 overcook 但系个牛骨浓汤就好 shit 啦，一 order 完劲快上枱，但系一上枱已经系唔够热处于温温哋状态（我哋光顾当日下昼十一点几，𠮶时得得三台客唔系炒晒场整唔切𠮶啲时间）。之后出事啦，应该系唔够热既原因所以个汤底膻味出晒嚟，唔够鲜反而有啲腥膻。而且呢碗个面质唔弹牙之余，仲有啲黐埋一旧一pat野咁😵‍💫 好劣好难顶自助落单，价钱唔平但整体服务一般般，食物质素飘忽。唯一系卡位算阔落，所以喺太古城都多家庭客帮衬～（之前嚟过食佢哋既黄金香酥鸡就真系唔推荐（唔明点解要帮盐酥鸡改另一个名？但盐酥鸡翼同盐酥杏鲍菇又唔系叫黄金香酥😂），。比较厚粉同干，入面冇乜肉汁，所以之后就无 order 过