明廚

去过咁多间中餐厅，入到去竟然同我哋讲佢哋唔系中餐，系「粤菜」😳 真系大开眼界。坐低谂住叫经理介绍菜式，点知呢位经理嘅反应系：「我点知你想食咩，你想食咩味食咩啰」 我哋成围枱当时O咗嘴。后来换咗另外一位𡃁仔，佢嘅态度比𠮶位经理好多倍。我哋嚟系见到网上介绍，专登预订佢哋嘅奄仔蟹、龙虾伊面、濑尿虾。醉濑尿虾的确好特别，好食嘅。相比之下，椒盐濑尿虾就有啲逊色，啲肉有啲霉霉哋。奄仔蟹都唔错，价钱都算性价比高。龙虾伊面都尚算可以，冇惊喜。最「惊喜」嘅系茶钱收$30一位 😳 感觉真系有啲大乡里出城：而家啲茶钱咁贵嘅咩？😅