一粥麵 (已結業)

未食过一粥面既早餐，决定试试。叫左个肉碎蒸肠粉餐，加一杯热饮，$25。同埋鸡扒炒面烚蛋餐，加个碎腩通，$32.5。肠粉一碟$25，其实都几贵。但炒面餐就几抵，好多人叫。由落完单，恶梦就开始啦。肠粉餐系叫号码既，但鸡扒餐系要交飞。问题黎啦，排队交飞条人龙，十几个人，排排下肠粉餐可以拎得啦，但系点拎呢，行开又要再排过结果，一等，等左半个钟，就系为左食个鸡扒餐，等到个肠粉都冻晒。交飞果阵，话个鸡扒要等，叫我食住只烚蛋先，转头出黎拎。真系火都黎，🤬咁我个餐个炒面呢，冇鸡扒都算，炒面都唔俾我，叫我斋食蛋。其实佢d炒面同烚蛋都整好晒，只系出餐既有问题，搞到一获粥。加左个碎腩通，变左火腿通，同佢讲，唔知点解又俾左个碎腩米，咩事呀！虽然佢个肠肠系几好食，但系，我唔会再帮衬呢间架啦！食个早餐食到成肚火。。。仲要d位迫到，同后面既人背脊贴背脊。