家上海 (奧海城三期)

营业中

休息中

一年活动快将完结，终于可以全部同事一齐坐埋食餐饭。系多人先至可以嗌多啲唔同嘅款式上海菜就系咁虾人。嗌咗个拼盘，最钟意食呢度啲熏鱼，因为冇骨，另外烤麸亦都唔会太咸，醉鸡都好入味，另外个肴肉个啫喱层整得好好。今餐最钟意佢只鸡，烟熏味好重，鸡个底味亦都好出众，相当有层次呢个超值得推介。另外个腌笃鲜个咸肉唔会太咸，亦都饮到个汤嘅鲜味。今次都有叫小笼包同生煎包，但系个牛肉馅饼更加出色，个牛肉馅满满嘅超多汁相当满足。个上海粗炒都正常表现，但系个饭就稍微淡咗少少。反而我几欣赏佢啲甜品唔会太甜，尤其个桂花糕亦都几特别，佢原来系用年糕整嘅，呢餐饭坐房最低消费$3000 ，刚刚好好叫多的数，方便倾偈坐得舒服，食得开心