影片
更多
2022-04-25
699 浏览
嚟到Grand Hyatt Steakhouse食佢嘅lunch set，每人$480，好丰富好多嘢食，个个都食到捧住个肚！相入面系两个lunch set嘅份量，但都选择可以叫A Lar Carte，十分flexible!Sliced Garlic Bread餐前包系蒜蓉包简直系打响头炮！面包热辣辣，蒜蓉牛油嘅香味好浓，离好远都闻到！不过块包似乎有少少太厚切，冇咗脆卜卜嘅口感，不过中间都系好松软嘅。建议大家趁热食，冻咗食都几考牙力😂Tiger Prawn Cocktail Louis Sauce一上碟就俾啲肥虾吸引咗🤣只只虾都劲肥美，而且十分爽口，一啲粉状嘅感觉都冇！食落口会略略食到有海水嘅咸味，不过绝对唔腥，系新鲜嘅证明！旁边有柠檬同埋cocktail sauce，但我觉得咩都唔落就咁食已经好正了。底下仲有啲沙律菜，可以点啲Louis Sauce，咁就变咗Caesar Salad!Blue Mussels with Tomato Sauce呢个appetizer系专为蒜蓉包而设🤣个蕃茄汤好香，加咗herbs同红酒，再有少少辣椒粉去吊味，完全可以当做一个汤去饮！青口大细平均，只只都好大
相入面系两个lunch set嘅份量，但都选择可以叫A Lar Carte，十分flexible!
Sliced Garlic Bread
餐前包系蒜蓉包简直系打响头炮！面包热辣辣，蒜蓉牛油嘅香味好浓，离好远都闻到！不过块包似乎有少少太厚切，冇咗脆卜卜嘅口感，不过中间都系好松软嘅。建议大家趁热食，冻咗食都几考牙力😂
Tiger Prawn Cocktail Louis Sauce
一上碟就俾啲肥虾吸引咗🤣只只虾都劲肥美，而且十分爽口，一啲粉状嘅感觉都冇！食落口会略略食到有海水嘅咸味，不过绝对唔腥，系新鲜嘅证明！旁边有柠檬同埋cocktail sauce，但我觉得咩都唔落就咁食已经好正了。底下仲有啲沙律菜，可以点啲Louis Sauce，咁就变咗Caesar Salad!
Blue Mussels with Tomato Sauce
呢个appetizer系专为蒜蓉包而设🤣个蕃茄汤好香，加咗herbs同红酒，再有少少辣椒粉去吊味，完全可以当做一个汤去饮！青口大细平均，只只都好大只，冇沙，食得好干净好放心。不过啲青口就唔太吸收到啲汤啲精华，都系点蒜蓉包最好！
Lobster Bisque
呢个系额外加$35叫嘅，一个两份share。汤系好香好稠身，不过就咸咗少少，吞落口会有少少呛。但加埋面头嘅cream饮就更creamy更smooth~
6oz Grass Fed Tenderloin
上mains嘅时候其实已经劲饱😂😂好彩只系6 oz，都算handle到。呢块medium rare嘅tenderloin，我会话外面系煎得脆咗少少嘅，切到某啲位可能会稍韧。不过入面嘅肉层就刚刚好，食边边位确实好淋身，但就未至于入口即喇，但我都会话系好完满🥳
Sides我哋拣咗个fries同smashed potato。薯条面头仲加咗层芝士，真系不得了：smashed potato好滑身，不过就系太滑身，好多牛油，真系好饱🤣食完块牛真系食唔到啲sides🤣
最后当然以甜品作结，好开心餐厅有记得birthday remarks，送咗嚿mini brownie俾我😆而后面就系我哋嘅set dessert key lime pie。牛油饼底包住酸酸嘅lemon mousse，加埋面头嘅cream中和番，个味道就唔会俾酸盖过哂了🥳不过都系太大嚿，最后系要打包😂
餐厅仲好窝心地帮我哋用相机影咗张相，再晒番出嚟用相卡入住，仲写埋birthday greetings，净系service都100分喇😆
张贴
