和宴

营业中

休息中

今日妈妈生日，午餐我哋带佢嚟咗呢间佢钟意食嘅日本餐厅。我哋点咗套餐，入面包含咗各式各样嘅菜色。第一道系和牛配法包，香脆嘅法包配上和牛，几特别嘅。和牛煮得啱啱好，口感适中，非常好食。第二道系韩式煎饼，呢个煎饼系搭配咗海鲜嚟煎。海鲜增加咗煎饼嘅鲜味，令呢个煎饼变得好香，味道真系好极呀！呢个细细嘅迷你沙律好新鲜，菜都整理得好干净。仲有牛肉配日本蛋嘅。烤好嘅牛肉，散发出浓郁嘅味道，浓浓嘅牛肉味沾埋鸡蛋一齐食，有独特嘅味道，都系几唔错嘅。接住嚟嘅系牛舌，烤好之后沾佢哋嘅盐葱汁酱料，使牛舌变得更加好食！下一道系宫崎和牛同澳洲和牛，呢啲牛肉嘅厚度啱啱好，唔会太厚或者太薄，烤出嚟嘅口感啱啱好。同时，佢哋嘅豚肉都唔错，香喷喷，鲜嫩多汁。最后就系海鲜，有海老同扇贝，都好新鲜。我尤其钟意佢哋嘅扇贝，大大粒，食起嚟好满足，虾都系鲜甜又弹牙。后面嘅甜品系黑糖珍珠雪糕，好甜，入口即化，非常软滑🙌🏻我哋仲为妈妈叫咗Sake【今代司辛口】，非常爽快。妈妈呢餐食得非常开心呀🥰