秋田鐵板燒刺身專門店

营业中

休息中

呢间野真系好适合庆祝生日，同朋友睇完餐牌，拣咗个秋田二人前套餐share，季节沙律，沙律上面嘅系水晶海草同莲芋，酱汁系柚子醋，水晶海草脆口，沙律整体味道酸酸甜甜，开胃菜，师傅准备食材，龙虾劲新鲜，会郁，仲系好生猛，鸡泡鱼干，鱼籽鹅肝蒸蛋，鱼籽系乌鱼籽，口感脆卜卜，滑嫰嘅蒸蛋有好浓郁嘅鹅肝味，鲜活龙虾半只，师傅将龙虾头内的龙虾膏挖出嚟煮酱汁，再将龙虾肉切件，煎到咁上下，再淋上头先用龙虾膏煮出黎嘅酱汁（有牛油﹑甜豉油同sake）龙虾肉弹牙，味道鲜美，季节时令海鲜（蒜芯配螺片），日本蒜芯清脆爽甜，螺片爽脆，份量不少，因为系刺身级别嘅螺片，炒几下就可以上碟，如果煮得太耐就会太韧，原只鲜活南非鲍鱼，昆布碎配鲍鱼，昆布碎喺铁板上，畀师傅炒香之后，会放喺鲍鱼下面垫底，做法：师傅会将一块大昆布放喺鲍鱼上面，上面再洒上海盐&白酒，跟住就会盖上盖，师傅好细心咁切走晒鲍鱼内脏同鲍鱼咀，最后洒上少少胡椒粉调味，同淋上师父自己煮嘅忌廉海苔汁，鲍鱼大只厚肉，弹牙有咬口，鲜甜有鲍鱼味，昆布碎配忌廉海苔汁亦很夹，朋友和我都吃清光，香煎顶级鹅肝，黑色系黑醋酱，点鹅肝用，同鹅肝一齐食冇咁腻，鹅肝上面仲有黑鱼子同埋金箔喺到