憶食尚臘味煲仔飯

营业中

休息中

今日去开佐敦个头，午饭系忆食尚腊味煲仔饭搞掂。呢间忆食尚腊味煲仔饭系高档版既煲仔饭餐厅，装修企企理理，座位隔开好有私隐度，坐得几舒服架。今次上楼梯坐一楼，原来上面多好多位，都有好多屏风隔开，仲有贵宾房。餐具都唔系普通煲仔饭餐馆格局。午餐有四款拣，有炒饭，手工面同汤饭，亦有2人同4人餐。午餐送咖啡或茶。上次试过瑶柱蛋白海皇炒饭同酸辣汤手工面，今次试吓另外两款先。虫草花炖汤今日悭荷包只系叫左一盅炖汤分享。炖汤系虫草花。汤味非常清甜，都几足料，有虫草花，玉竹，桂圆，红枣，猪肉，鸡肉。瑶柱冬瓜脆米汤饭 $88 另加一瑶柱冬瓜脆米汤饭个汤用个煲仔上，汤好清但系肉味都可以。配料有肉片，干瑶柱丝，蟹柳粒，冬瓜粒，草菇同姜片。脆米另上，浸左汤一阵都仲脆。一碗白饭都系另上。虾球捞手工面 $78 另加一虾球捞手工面有四只虾球，已剥壳，味道可以。手工面有d似上海面，又幼又稔滑。加左青瓜丝增添口感，上面加左肉松同少少虾籽，味道系可以嘅。上汤娃娃菜 $68 另加一另外叫左一碟上汤娃娃菜。娃娃菜份量唔少，上面加左火腿片，蒜片同姜片。今餐冇糖水送，食完转场食甜品先。