Cafe REVOL

营业中

休息中

如题。全铺头应该冇嘢够呢份餐点睇落去咁健康。酸种面包、藜麦、芝士、提子燕麦乳酪，仲有令心理好健康嘅烟熏牛肉同炒蛋。香港Cafe好多嘢唔系太过Pure太True太轻盈到你唔明点解要比钱出去食，就系太多精制食物，睇到条肠已想像到佢幻化成水泡个样。但呢种配搭真系啱我呢啲想食得打飞机式健康嘅人。虽然，我想旧芝士大旧啲，果酱多啲，但食完系完全够饱。重点系份嘢摆盘咁靓，实在冇理由将佢炒返一碟变返做蛋牛治。分开每样食两啖，呷啖咖啡，再食一啖，非常有利饱足感。于是你明白，Cafe最精贵嘅地方系，哪怕份嘢少过常餐好多，但你可以用比系澳牛食多五倍嘅时间去食。是日闲日，我一点去，唔洗排队直接坐底，食得好疏肝。