影片
更多
2024-05-10
1753 浏览
朋友仔一向大推九龙酒店「龙逸轩」中菜，菜式款式选择够多之外，制作过程以致选材，一向有品质保证！今日就约埋一班朋友去龙逸轩一尝最新推出既怀旧手工晚宴套餐，每一款中菜都系经典中嘅经典，以传统烹调手法炮制出一系列满满情怀嘅怀旧美食！———————————————————🥢怀旧手工晚宴🥢🥢大红香芒乳猪由自家烧味部师傅主理，烤制出一流乳猪！乳猪皮脆肉嫩，中间薄薄既油脂油香四溢，香脆得黎充满浓厚猪肉鲜香！配以清甜多汁芒果，于面头一层层铺上，摆盘精美！🥢菜胆螺头炖海参真材实料炖汤，够哂滋补！汤头清澈，入口满满螺头既咸鲜味，配以超巨型海参，口感Q弹，加上以菜胆炖煮，份外清甜！🥢桂花炒鱼翅功夫讲究既菜式！量鱼翅混合蛋丝、肉丝及椰菜丝爆炒，炒至干身，火喉十足！鱼翅入口滑顺，层次分明，必试！🥢砵仔焗鱼肠经典怀旧菜式！新鲜既鱼肠经多重功夫处理后搭配蛋浆、芫荽及料酒混合，焗至外层香脆，内层既蛋浆及鱼肠层次感十足，入口甘香绵密，新鲜味美！🥢碧绿虾子柚皮绝对系一款讲求细节嘅菜式！柚皮入口清甜，完全无苦涩味，口感丰富，份外Juicy，配以大量鲜香虾子及秘制酱汁，特别滋味！🥢头抽香煎美国生蚝采用煎焗嘅烹调手法，将肥美厚
今日就约埋一班朋友去龙逸轩一尝最新推出既怀旧手工晚宴套餐，每一款中菜都系经典中嘅经典，以传统烹调手法炮制出一系列满满情怀嘅怀旧美食！
———————————————————
🥢怀旧手工晚宴🥢
🥢大红香芒乳猪
由自家烧味部师傅主理，烤制出一流乳猪！
乳猪皮脆肉嫩，中间薄薄既油脂油香四溢，香脆得黎充满浓厚猪肉鲜香！配以清甜多汁芒果，于面头一层层铺上，摆盘精美！
🥢菜胆螺头炖海参
真材实料炖汤，够哂滋补！
汤头清澈，入口满满螺头既咸鲜味，配以超巨型海参，口感Q弹，加上以菜胆炖煮，份外清甜！
🥢桂花炒鱼翅
功夫讲究既菜式！量鱼翅混合蛋丝、肉丝及椰菜丝爆炒，炒至干身，火喉十足！鱼翅入口滑顺，层次分明，必试！
🥢砵仔焗鱼肠
经典怀旧菜式！
新鲜既鱼肠经多重功夫处理后搭配蛋浆、芫荽及料酒混合，焗至外层香脆，内层既蛋浆及鱼肠层次感十足，入口甘香绵密，新鲜味美！
🥢碧绿虾子柚皮
绝对系一款讲求细节嘅菜式！柚皮入口清甜，完全无苦涩味，口感丰富，份外Juicy，配以大量鲜香虾子及秘制酱汁，特别滋味！
🥢头抽香煎美国生蚝
采用煎焗嘅烹调手法，将肥美厚肉嘅生蚝煎至香脆惹味！再加入头抽煎焗，将蚝肉嘅外层煎至金黄色，卖相一流，蚝肉啖啖肉咬落好Creamy，的确出色！
🥢枝竹豆腐炆海星斑
海星班每个部位都够厚肉，尤其系骨腩嘅部位油渣后，外层香脆，加入枝竹、冬菇、豆腐等材料炆煮，食落香口得来满满鲜味！
🥢古法八宝鸭
整餐怀旧菜最期待嘅菜式！
八宝鸭采用多种配料，酿入已去骨嘅鸭身，蒸煮而成，犹如百宝袋一样！
配料有齐莲子、栗子、金华火腿、薏米、糯米及瑶柱等等，索尽鸭肉既精华，每一啖食得份外满足，确为传统经典怀旧粤菜！
🥢莲蓉西米焗布甸
香甜既莲蓉混入西米及鸡蛋焗制，入口软糯香甜，啖啖满足！
🥢怀旧芝麻卷
怀旧芝麻卷全人手制作，用上大量黑芝麻磨制，经人手拉制后，一层层卷上，入口既芝麻香气爆登，清甜得黎，烟烟韧韧，系我最钟意嘅中式饭后甜品！
———————————————————
🌟餐厅：龙逸轩（九龙酒店）
📍地址：尖沙咀弥敦道19-21号九龙酒店2楼
张贴
