沾仔記麵食

营业中

休息中

今次嚟左沾仔记面食，未入到门口都见到有好多街坊街里喺入边帮衬，一个平平无奇嘅店，估唔到居然内藏惊喜！舖头主打新鲜牛肉，大大粒鲜虾云吞同埋蚬蚧鲮鱼球💕我想讲三样都系必试！我今次就叫咗虾子捞面配鲜牛肉鲜虾云吞双拼。价钱非常抵，云吞系之前从来都冇食过咁大粒！非常非常非常足料🤤重要嘅嘢要讲三次,平均一粒云吞入边有三至四只虾仔！另外叫咗个蚬蚧鲮鱼球，鲮鱼球非常鲜味！完全冇其他鱼嘅怪味，同埋鲮鱼球都系非常大粒！呢间铺真系非常足料！舖头嘅小姐姐哥哥们服务态度都好好，唯一大家要留意嘅系舖头8:00就关门，last order 7:15🤧所以想试个朋友唔好太晏去喇！