沾仔記麵食

营业中

休息中

小店位于佐敦庙街，主打多款传统面食，平民价钱，足料又饱肚。店内环境唔大，预咗要搭枱，但座位之间有适当距离而且都几干净，留意返7:15 last order，想食嘅记得要早啲去。食物款式唔多，主要配菜为云吞、鲮鱼球同新鲜牛肉，然后再拣面类。单/双/三拼，每样加$6，转蚝油捞面、蟹籽捞面𠮶啲就要再额外加钱。唔想要配料亦可以净系拣面食或者小食。云吞皮超薄身，入边有成三至四粒爽口弹牙嘅虾，调味啱啱好，唔使额外点酱都可以。鲮鱼球大大粒，真材实料冇得弹、牛肉份量唔少，牛味突出，但因为厚切所以唔算超级滑。面食要咗幼面、粗面同河粉，放咗一段时间都唔会变硬身，但系会索汤所以都系建议快食。幼面吸满汤汁、粗面带点咬口，个人几喜欢、河粉滑嘟嘟，唔够饱嘅可以加底，另外加埋醋、豉油、胡椒粉可改变口味，食落冇咁单调。