影片
更多
2025-01-23
2027 浏览
被网民称为预约困难店，一早较定闹钟book星期日同阿妈撑枱脚，原本想book 1pm，点知到俾钱个刻又弹出话时段已满，来来回回几次，最后成功book到4pm时段！虽然成功订座，但都规矩多多，要先付订金，几日前取消要扣按金之类，因为冇谂过唔出席，所以都冇细睇条款！不过我哋早到15分钟，所以都要在门外等一阵，之后差唔多时间就安排入座，店员会问你系唔系第一次嚟，之后就会讲解一下应该点食，枱柜桶亦会有张说明书教你食法！枱上面有好多酱料，大家可以因应自己口味去选择，我钟意食佢个豆拌酱油，仲有个渍白菜可以任食！店中只有一个套餐选择，$138有三块汉堡扒，再加碗汤同蛋，仲有白饭任添，想再食汉堡可以再加，基本上一定够饱！ 我跟足规矩第一嚿汉堡原汁原味食，第二嚿就配萝卜泥同柚子醋食，最后一嚿就配鸡蛋食！ 三嚿肉我食咗两碗饭，不过佢一碗饭其实唔多，所以都唔算食咗好多饭。而d汉堡全部都喺现场用炭火烧，但现场唔算话好大油烟味，汉堡扒好juicy，好好味，d肉汁涌住出嚟，好正，我同妈咪都食咗两碗饭，食到好满足咁离开！点了两个套餐再加份泡菜，加一合共$342，在IFC来说价钱都合理！
虽然成功订座，但都规矩多多，要先付订金，几日前取消要扣按金之类，因为冇谂过唔出席，所以都冇细睇条款！
不过我哋早到15分钟，所以都要在门外等一阵，之后差唔多时间就安排入座，店员会问你系唔系第一次嚟，之后就会讲解一下应该点食，枱柜桶亦会有张说明书教你食法！枱上面有好多酱料，大家可以因应自己口味去选择，我钟意食佢个豆拌酱油，仲有个渍白菜可以任食！
店中只有一个套餐选择，$138有三块汉堡扒，再加碗汤同蛋，仲有白饭任添，想再食汉堡可以再加，基本上一定够饱！ 我跟足规矩第一嚿汉堡原汁原味食，第二嚿就配萝卜泥同柚子醋食，最后一嚿就配鸡蛋食！ 三嚿肉我食咗两碗饭，不过佢一碗饭其实唔多，所以都唔算食咗好多饭。而d汉堡全部都喺现场用炭火烧，但现场唔算话好大油烟味，汉堡扒好juicy，好好味，d肉汁涌住出嚟，好正，我同妈咪都食咗两碗饭，食到好满足咁离开！
点了两个套餐再加份泡菜，加一合共$342，在IFC来说价钱都合理！
张贴
