太元樓

营业中

休息中

食咗几廿次，终于忍唔住要写「正评」比佢！优质餐厅👍🏻👍🏻👍🏻一般都系食午饭套餐，大件夹抵食，二人餐可以三人食；四人餐够五人享用，优！👍🏻冷盘必食海哲头，好大碟，海哲爽，麻油味浓，未试过失准。鸡丝粉皮有一堆青瓜丝系面，100%视觉冲激，加埋香浓花生浆，粉皮滑入口，哗！鸡丝就少咗DD，但唔椱口，肴肉果D啫喱无得顶，推介！小笼包就一般少少。主菜好多选择，会成日叫酸甜鱼柳，鱼柳一般，但贪佢有菠萝，卖飞佛，宫保鸡丁屋企唔会整，怕洗镬，所以都要叫；豆腐有两、三款，但红烧豆腐最正，豆腐内里香滑。个餐可以配菜饭，必选，另外两款汤或豆浆三选一，三样嘢都唔差，酸辣汤足料；粟米鱼肚汤有少少「🐟肚」；最正系豆浆，有豆香而且唔太甜。好戏在后头，必送甜品：桂花洒酿小丸子，酒味煮过之后好香甜，加埋桂花，perfect match，小丸子好有咬口！正。