古琴雅苑 (太子集團中心)

营业中

休息中

当日系母亲节，订枱嘅时候被告知因为爆满嘅关系，15楼已经冇位，要我哋去6楼嘅日本餐厅，但系食嘅都系古琴雅苑餐牌。当日去到我哋7:30点餐，但系到八点先上第一道菜。期间我哋有问过服务员(因为用餐时间只有个半钟)，佢哋用非常差嘅态度话”你又唔系好早落单，系要等㗎啦！”其实要等半个钟先有第一道菜上枱，已经唔系我早落单定迟落单嘅问题。仲要所有侍应态度都系差到爆，询问佢哋想要多一客北京填鸭卷饼系咪都要等好耐？ 然后女侍应又系用好差嘅态度话:”你系咪要先？要就即刻俾你！你而家要讲㗎喇!”订枱嘅时候话有寿桃送，而寿桃居然系同啲𩠌菜一齐上。到我哋食完晒所有嘢，个寿桃已经冻晒。见到𠮶日全场爆满，好明显佢哋就系做唔切。经济差我明，但系为咗赚尽而令食客受气，我谂我真系唔会再帮衬第二次。