壹.01

营业中

休息中

每次嚟到观塘都会好迷惘，因为太多选择，永远唔知拣边间餐厅食好🤭。今次好彩朋友一早拣定，我只要跟住佢去就得。呢间台湾餐厅位于一个商场（近写字楼）入边，本身我都觉得呢个地方有少少唔精神，点知望真啲餐厅出边已经排晒队。🧆小食拼盘 $45有台湾肠、花枝丸同盐酥鸡，小小嘅价钱，但系可以食三款小食仲要都几大份量，唔错唔错！🧀拉丝芝士火腿蛋饼 $45个蛋饼外皮有煎过脆卜卜好好味，不过我觉得加埋肉松会味道更佳🤤🐓紫菜手撕鸡便当 $79见到台台都嗌咗手撕鸡，就知呢个一定系餐厅撚手小菜，果然冇嗌错，第一次见到紫菜系冚满晒成个便当，非常幸福🥰 入边超多手撕鸡，仲有好多配菜，一定要嗌！🐙❓我不是章鱼烧 $25呢个菜好搞笑，我费事剧透就唔多讲，不过一定要试吓！你一定会好surprised 😆饮品方面嗌咗珍珠奶茶同埋双柠冬瓜茶，饮品冇食物咁高质，珍珠奶茶少少失望。