甜品工房 (已結業)

寻日同朋友食tea(元x), 但系果度d野食唔多掂同埋唔好坐, 于是我地忽然谂起去想去好耐既甜品工房...去到冇乜人, 朋友拣左芒果拉面, 我呢个绿茶魔梗系叫个宇治金时啦朋友个拉面黎到, 卖相好靓, 佢本身唔太中意食太过奶味既野(个汁底系芒果椰奶)有芒果肉围边, 上面有d士多啤梨, d拉面听朋友讲烟烟韧韧, 但就唔算好有芒果味, 仲有d西米同凉粉系底, 味道都ok...而我个宇治金时(即绿茶红豆+小丸子), 我就好中意食, 丸子唔会俾刨冰冻到"硬掘掘", 红豆练奶加埋d绿茶冰一齐食, 一流, 唯一美中不足系佢俾我个红豆雪糕好薄好细件, 隔离枱都唔系咁既, 食到尾得番d冰, 半水半冰状仍见佢好有绿茶味, 觉得佢唔够甜就叫个姐姐俾d练奶我加落去, 落完正好多, 绿茶冰溶左后既浓度依然, 有种似系梦见屋/铃本饮既绿茶感觉, 不过呢度又食又饮都系收我26大元, 当然抵好多又食得开怀d啦