影片
更多
2021-09-02
1729 浏览
话说因为有公司资助😆有5000蚊去食米芝莲餐厅🤤其实睇左《有啖好食》既摘星之旅好耐，系芸芸中菜馆里面，最终拣左「天龙轩」。（因为女朋友喜欢食中菜）餐厅位于102楼，搭lift上103楼再落一层。酒店只接受安心出行，订位时收线生已经提醒当晚男士的Dress Code，以及帮忙预订了招牌菜- 「蜜烧西班牙黑豚肉叉烧」 (需 24 小时前预订)订位时有问可否坐窗口位，不过要book到9月底，收线生表示remark到时睇下有无空位👍🏻不过当然系无位啦😂坐低我地先点左第一轮试下食物份量同资素先窝贴大虾多士 $156 评分 8.5/10 好香口既多士，虾味十足，炸出黎但无油林林感觉（食过坊间某d餐厅，食完成口油），配埋甜酸酱，更好味。果然系食评推介热门之一 👍🏻👍🏻👍🏻 自己本身特别喜爱食虾多士，要求算高，所以呢个都会严谨 d评分 蜜烧西班牙黑豚肉叉烧 半份 - $200评分 7.5/10之前睇过youtube定食评，大厨话系试过晒只猪全部部位黎整叉烧，发觉呢个部位系最好（好似系肩膊位？）。食落叉烧汁味浓郁，但不觉肥腻。叉烧咬落比较腍，可能同部位有关，的确是有点与众不同。 👍🏻👍🏻👍🏻不过唔太有
有5000蚊去食米芝莲餐厅🤤
其实睇左《有啖好食》既摘星之旅好耐，系芸芸中菜馆里面，最终拣左「天龙轩」。（因为女朋友喜欢食中菜）
餐厅位于102楼，搭lift上103楼再落一层。酒店只接受安心出行，订位时收线生已经提醒当晚男士的Dress Code，以及帮忙预订了招牌菜- 「蜜烧西班牙黑豚肉叉烧」 (需 24 小时前预订)
订位时有问可否坐窗口位，不过要book到9月底，收线生表示remark到时睇下有无空位👍🏻不过当然系无位啦😂
坐低我地先点左第一轮试下食物份量同资素先
窝贴大虾多士
$156
80 浏览
0 赞好
0 留言
窝贴大虾多士 $156
评分 8.5/10
好香口既多士，虾味十足，炸出黎但无油林林感觉（食过坊间某d餐厅，食完成口油），配埋甜酸酱，更好味。果然系食评推介热门之一 👍🏻👍🏻👍🏻 自己本身特别喜爱食虾多士，要求算高，所以呢个都会严谨 d评分
蜜烧西班牙黑豚肉叉烧 半份 - $200
评分 7.5/10
之前睇过youtube定食评，大厨话系试过晒只猪全部部位黎整叉烧，发觉呢个部位系最好（好似系肩膊位？）。食落叉烧汁味浓郁，但不觉肥腻。叉烧咬落比较腍，可能同部位有关，的确是有点与众不同。 👍🏻👍🏻👍🏻不过唔太有喜出望外感觉
脆皮烧三层肉 - $138
评分 6.5/10
顶层块皮的确好脆口，咬落第一啖系咬到呢层「脆」味，系听到有声，第二层系肉，第三层系膏，由头到尾三个唔同层次，无太大肥腻感，呢个头盘算不过不失啦
蒜蓉蟹味菇炒蛏子皇
$218
92 浏览
0 赞好
0 留言
蒜蓉蟹味菇炒蛏子皇 - $218
评分 7.5(+0.5) /10
呢只蛏子既配菜比较简单，但菇同蒜再调味去炒，好夹个味。师傅仲好细心将蛏子分开三份，唔驶自己切 👍🏻👍🏻👍🏻👍🏻蛏子必须要夹埋菇呢d配菜一齐食，否则味道太单调
（0.5分系我无夹埋配菜一齐食）
炸酿鲜蟹盖
$298
82 浏览
0 赞好
0 留言
炸酿鲜蟹盖 $ 298
评分 7/10
呢个菜都系必食推介之一，第一次食呢道菜，好喜欢大啖大啖食佢d蟹肉，个喼汁配落去都几夹，只不过蟹肉鲜味不太突出，呢道菜不过不失，可能自己期望太过
片皮鸭半只
$498
65 浏览
0 赞好
0 留言
片皮烤鸭半只 - $498
评分 7 (-0.5 )/10
我同女朋友都极喜爱食片皮鸭，份量比我想像中少好多，味道又唔系比坊间其他突出。扣分系分量个度同价钱既比例，令成件事性价比低左，或者系我唔识食又或者食材问题哈哈
珍珠洋葱爆和牛
$688
60 浏览
1 赞好
0 留言
珍珠洋葱爆和牛 - $688
评分 8/10
第一啖食落口，先食到洋葱既香气，调出黎酱汁，同和牛份外夹🤤食材原因，和牛的确唔算好多旧，但每旧都唔算细粒，唔系个d 一口牛粒黎。和牛入口完全唔韧，咬落好松软，口感一流 （食材嘅原因，所以落小小心机都可以好好食我觉得）性价比就见仁见智喇
百合红酒炆和牛面颊
$292
64 浏览
0 赞好
0 留言
百合红酒炆和牛面颊 - $292
评分 8/10
呢个红酒汁无珍珠洋葱和和牛果个咁㶶，红酒煮牛都唔系第一次，所以一定系夹到个味而摆出黎卖相都非常吸引。女朋友觉得唔够腍，相反我觉得呢个口感岩岩好，个人觉得呢个性价比高d 哈哈
东坡肉
$150
80 浏览
0 赞好
0 留言
龙轩东坡肉 - $150
评分 9.5/10
东坡肉系我地第一round 点菜时点，但系叫到第二round 野先上菜，不过唔紧要🤣 点菜时侍应建议点一份切开一半，两人share👍🏻份量岩岩好，女朋友全晚最喜欢食既一道菜😂
酱汁甜而不腻，东坡肉三层好鲜明，平时好怕食因为好肥真系😂😂😂入口即融又唔肥真系好好味⭐️而且成价比都高🤪高分😆👍🏻
花酒鸳鸯螺 油泼酒香螺片拼香酒辣螺花
$398
45 浏览
0 赞好
0 留言
花酒鸳鸯螺-油泼酒香螺片拼香酒辣螺花
$398
评分6(+0.5)/10
Er….螺片比较啖味，辣花螺都okay，但可能见到个名个弹期望较高，所以有落差
0.5分加俾杯白兰树下😂叫呢个包一杯
花雕蛋白蒸蟹拑
$338
52 浏览
0 赞好
0 留言
花雕蛋白蒸蟹拑 - $338
评分 10/10
黎之前已经知呢个系必食推介⭐️蟹拑系食过最大只😂相信大厨处理只蟹拑有用莞茜，不过系好淡莞茜味（个人不太喜欢莞茜），可接受😄蟹味极度新甜🤤配搭蒸蛋白，剩系睇个蛋白就知火喉掌握到炉火纯青，不偏不倚，唔会太老🤤卖相都👍🏻👍🏻👍🏻👍🏻蛋白中都仲有蟹肉，淡淡既花雕并无喧宾夺主，反而令蟹肉同蟹拑鲜味更出😌大概要令海鲜既鲜味更出，经常都会用酒或者辣😌Anyway呢个真系必食🤪
杨枝甘露
$98
44 浏览
0 赞好
0 留言
香芒杨枝甘露 - $98
评分 7.5/10
个芒汁好好味，有芒果既甜同鲜味，师傅仲系面放在块薄荷叶，wow，好清新，个配搭唔错！不过唯一美中不足系柚肉有d酸，影响左成个口感😭本身想试鸽蛋腐竹露同蛋挞，但真系好饱了😣😣😣😣
最后感想：
服务同环境绝对系5星级，侍应们都好细心，例如建议适当份量，上菜时为你切开，上菜速度等等。环境就唔驶讲，好舒适，同隔离台距离都有番咁上下👍🏻
食物黎讲我俾4星😂仲有进步空间既🤪
好啦今次既摘星之旅就完满结束喇😂😂😂多谢大家收睇🤪🤪🤪🤪
张贴
