吃吧 (僑建大廈)

营业中

休息中

之前试过依间超有质素嘅楼上餐厅,今次听朋友讲转左新Menu,我就急不及待咁再次到访。餐厅用左自家制嘅西柚提子汁再经过特制CO2高压樽所制成嘅梳打,配上吾同嘅新鲜粒粒生果球,好清新。以青柠嘅微酸味道配搭啤酒令到啤酒嘅麦芽甘甜味道更突出,同样清新解腻,啱晒咁热嘅天气饮番杯。炸得香脆可口嘅单骨鸡翼,好贴心令人更加方便食用,配上特色嘅西班牙微辣酱汁,在点上旁边嘅蓝芝士酱,更滋味。店员会系面前打开充满仙气嘅烟熏西班牙伊比利亚猪扒,打开𠮶时啲烟慢慢渗出烟熏香气,西班牙伊比利亚猪扒肉质更软淋猪味亦更浓郁,配上底下吸收晒肉汁嘅薯蓉,果然系Signatures Dish。起初以为好似平时食墨西哥粟米片咁,上面加上蟹肉,牛油果同酱汁。不过上枱出乎意料咁见到就系两个半球状嘅粟米片,店员话食之前要将粟米片敲碎,之后就见到牛油果同蟹肉嘅出现再混合一齐食。