影片
更多
2009-05-06
136 浏览
同Honey星期六去圆方shopping兼食晏，记得平台上面有几间餐厅，成两点七先上到去，可能过咗lunch hour，间间餐厅都泠冷清清，系呢一间仲有几多客食紧。再望清楚原来系半自助餐，啲头盘、沙律同甜品款式好多，摆哂出嚟好吸引，价钱二百零唔算太贵，同埋个waiter好nice，原本三点钟要收前菜，佢话可以延迟多十五分钟，所以连餐厅名都唔知就入咗去。餐前面包篮......款式多，味道好。Salad Bar......除咗Parma Ham配蜜瓜同一般沙律菜可以DIY之外，另外仲有成十款沙律选择。特别推介Grilled Tuna Salad同Roasted Beef Salad，意外惊喜系Parma Ham配鲜菠萝，我同Honey都觉得比配蜜瓜好食。主菜......Honey叫咗青口香草汁宽条面，青口好味但系个汁比较油腻咗少少。我嘅羊扒就好嫩好有羊味，连唔太食羊嘅Honey都大赞！甜品.....有水果同好多甜品选择，唔会少得过full buffet 好多，特别推介cheese cake 、fruit tart同Tiramisu。除咗食物之外，印象最深刻嘅系呢度嘅服务，简直系超水准，细心
餐前面包篮......款式多，味道好。
Salad Bar......除咗Parma Ham配蜜瓜同一般沙律菜可以DIY之外，另外仲有成十款沙律选择。特别推介Grilled Tuna Salad同Roasted Beef Salad，意外惊喜系Parma Ham配鲜菠萝，我同Honey都觉得比配蜜瓜好食。
主菜......Honey叫咗青口香草汁宽条面，青口好味但系个汁比较油腻咗少少。我嘅羊扒就好嫩好有羊味，连唔太食羊嘅Honey都大赞！
甜品.....有水果同好多甜品选择，唔会少得过full buffet 好多，特别推介cheese cake 、fruit tart同Tiramisu。
除咗食物之外，印象最深刻嘅系呢度嘅服务，简直系超水准，细心而attentive。喺我哋坐低之后，陆续都有客入嚟，waiter好细心咁行埋嚟叫我地慢慢食时间会再延长，就算系尾段都不停换新沙律，最终我地食到四点先走，抵！可能我地不停咁影相，waiter都好主动咁帮我同Honey影咗张合照，抵！最后餐饮嚟咗之后，waiter又好主动拣咗啲曲奇畀我地送咖啡，抵！就算唔食呢个半自助餐，只系散叫其他嘢食，个卖相都好靓（因为偷睇其他食客所点嘅食物），所以对呢度嘅晚餐都有啲期待。
睇番食评竟然喊脸多过笑脸，于是的起心肝写第一次食评，希望帮呢间餐厅平反一吓，又或者系提供另一个意见畀大家参考。
张贴
