Hungry Korean (新都城中心二期)

营业中

休息中

去开将军澳探朋友，朋友介绍楼下间韩式餐厅Hungry Korean都几好食，就去试下，铺头装修比较简单，但食物方面都好几款式选择!几个人叫左牛肉韩国寿司，泡菜猪肉豆腐铁板饭，韩式铁板牛小排! 牛肉韩国寿司-个人都几钟意食韩式寿司，唔会冻冰冰，通常都系微暖或者室温又唔惊迟左食变坏，呢个寿司味道都唔错，少少肉味加多少少泡菜一齐食仲正!泡菜猪肉豆腐铁板饭-铺头自家腌制既泡菜味道好好味，同猪肉煮埋一齐，嬾滑既猪肉完全吸收晒d泡菜香味，甜甜地辣辣地好惹味，不过韩式野始终比较浓味配埋软棉棉既豆腐一齐食同饭一齐食比较夹d!韩式铁板小牛排-去亲韩式铺头必点呢款，呢度都整得好好食，牛仔骨好淋好入味，甜甜地既酱汁，令人愈食愈想食，伴碟既年糕都好烟烟韧韧，好有咬口!最钟意就系呢度铁板餐，上枱热辣辣，唔会咁快冻左食得慢都唔怕!饮品冻梅实茶味道好特别，酸酸甜甜，饮落醒神开胃! 冻绿茶牛奶，不过不失奶味重左d，但味道唔错!